كچەكا كورد یا ئێزدی بۆ سەركردایەتیا پارتەكا ئەلمانی هاتە هەلبژارتن
باسنيوز:
قوتابیا كچا كوردا ئێزیدی “نشتیمان ئدریس حەسۆ “بوو ئەندام د سەركردایەتیا پارتا چەپ یا ئەلمانی دا، پشتی ل گەل كۆمەكا هەڤكارێن خۆ هاتیە بەربژاركرن بۆ نڤیسینگەها پارتێ ل باژێرێ ئۆلدنبورك.
ئەیاد حسێن، كوردەكێ ئێزدیە ل ئەلمانیا دژیت و كەسەكێ نێزیكی وێ كچێ یە بۆ (باسنیۆز) دیاركر، “نشتیمان ئدریس حەسۆ” ئێكەم كچا كوردا ئێزیدی یە ل نڤیسینگەها پارتێ و لگەل كۆمەكا هەڤكارێن خۆ سەركەفت بۆ نوونەراتیكرنا پارتا چەپ ل دەڤەرێ”.
ئاشكرا ژی كر كو: “قوتابی “نشتیمان ئدریس حەسۆ” نهۆل زانكۆیا ئۆلندنبورك دخوونیت و چەندین چالاكیێن سیاسی و رەوشەنبیری هەنە و پەیوەندیێن بهێز گەل سەركردێن پارتا چەپ یا ئەلمانی هەنە، ل چەندین دیداران ل پەرلەمانێ ئەلمانیا ل بەرلینێ بەرهەڤ بوویە و دگەل كۆمەكا سەركردە و پەرلەمارێن پارتا چەپ چالاكی ئەنجام داینە”.
تُتاح هذه الصورة أيضا في: کوردی