نەڤێت دەستا ژ كارێ خۆ بەردەت
تۆرا لالش یا راگەهاندنێ
وێنەگرەكی خەلكێ شنگالێ پشتی كۆمكوژیا شنگالێ جارەكا دی ڤەگەریایە سەر كارێ خۆ و دەست پێ كریە ڤە،دیار دكت ژی چ جاران نەڤێت دەستا ژ كارێ خۆ بەردەت چنكو پێڤە هاتیمە گرێدان.
وێنەگر(شێروان شنگالی)بۆ دەنگێ لالش دیاركر،ل سالا(2009)ێ من دەست ب كارێ وێنەگریێ كریە و هەتا نهۆ ژی سەر كارێ خۆ بەردەوامم ب تایبەت ژی وێنەكرن و وێنەگرتنا داوەت و هەلكەفتان،لێ بۆ دەمەكی پشتی كۆمكوژیا شنگال ئەز ژ كاری سەكنی بووم هەتا دیسان ئەڤ سالە بریار دا دەست ب كارێ خۆ بكەم،چ جاران من نەڤێت دەست ژ كارێ خۆ بەردەم چنكو پێڤە هاتیمە گرێدان و پچەكێ ئەز خۆ ژبیرڤە دكەم و هندەك دیمەنێن خۆش بۆ خۆ دبینم دا بكاربم وان تراژیدیێن ل هەمبەر مللەتێ ئێزدی هاتینە كرن ژ بیرا خۆ ببەم.
شنگالی دا زانین بەری كۆمكوژیا شنگالێ ئەڤ كارە ل ناوچەداریا گرعزێرێ دكر،نهۆ ژی ئەم ب شەڤ و رۆژ كارێ خۆ برێڤەدبەین.
تُتاح هذه الصورة أيضا في: کوردی