10 رۆژ مۆلەت ب پەكەكێ و حەشدا شەعبی هاتە دان دەست ژ شنگال بەردەن
باسنيوز:
سەرۆكێ كوتلا برایەتی و پێكڤە ژیانێ ل جڤاتا پارێزگەها نەینەوا دیاركركو ب فەرمی 10 رۆژ مۆلەت هاتە دان بۆ دەرخستنا پەكەكێ و حەشدا شەعبی ژ قەزا شنگال و زڤرینا ئیدارا شەرعی یا شنگال بۆ قەزایێ.
سەیدۆ چەتۆ، سەرۆكێ كوتلا برایەتی و پێكڤە ژیانێ ل جڤاتا پارێزگەها نەینەوا بۆ(باسنیوز) دیاركر:” 10 رۆژ مۆلەت ب پەكەكێ و حەشدا شەعبی هاتە دان دەستان ژ ئیدارا شنگال بەردەن و دام و دەزگەهێن شەرعی یێن شنگال بۆ مەرەمێن پەكەكە و حەشدا شەعبی نەهێنە بكارئینان. بۆ وێ یەكێ ئیدارا شەرعی یا شنگال ڤەگەرتە قەزا شنگال و دەست بكارێ خوە بكەت. ئەم ژی ب هیچ شیوەیەكێ رێكەڤتنان دگەل پەكەكێ ناكەین چونكو وان شەرعیەتا خوە ل شنگال نینە. ئەو مەرجێن ئیدارا شنگال دانای دێ گەل حكومەتا عێراقی هێنە گەنگەشەكرن دڤان چەند رۆژێن بهێت دا بۆ زڤرینا ئیدارا شەرعی یا شنگال”.
خویا ژی كر:” سەرۆكێ جڤاتا پارێزگەها نەینەوا دگەل حكومەتا عێراقی هەولێن خو چر كرینە بۆ دەرئێخستنا پەكەكێ ژ شنگال و دەست بەردانا پەكەكێ و حەشدا شەعبی ژ ئیدارا شنگال”.
تُتاح هذه الصورة أيضا في: کوردی