حکومەتا هەرێمێ داخوازا دەستەسەرکرنا بکوژێن نۆشدارەکێ کریستیان ژ بەغدا کر
WAAR-دهۆك:
وەزارەتا ئەوقافێ یا هەرێما کوردستانێ هۆشداری ژ رەوشا ئێمناهیا کریستیانان ل ئیراقێ دا و داخوازا دەستەسەرکرنا بکوژێن نۆشدارەکێ کریستیان ژ بەغدایێ کر.
رێڤەبەرییا گشتی یا کاروبارێن کریستیانان ل وەزارەتا ئەوقافێ یا حکومەتا هەرێما کوردستانێ د بەیاننامەیەکێ دا دەربارەی کوشتنا پێنجشەمبا بووری یا نۆشدارەکێ کریستیان، هەڤژینا وی و هەروەسا دایکا وی ژ ئالیێ گرۆپەکا چەکداران ڤە ل بەغدایێ راگەهاند: پێدڤی یە حکومەتا ئیراقێ ب زووترین دەم تاوانباران دەستەسەر بکەت و سزا بدەت.
هەروەسا دا زانین: وەلاتییێن کریستیان ل ئیراقێ ب گشتی ل ژێر مەترسییێ و گەفێ دژین، لەورا ژی بەردەوام ژ ناڤەراست و باشوورێ ئیراقێ قەستا هەرێما کوردستانێ دکەن، کو هەردەم مافێن وان وەک یێن هەموو پێکهاتەیێن دی ێێن ئۆلی و نەتەوەیی یێن کوردستانێ پاراستینە.
تُتاح هذه الصورة أيضا في: کوردی