قاسم شەشو:دخوازین رووفاتێن گۆرێن بكۆم بێنە ڤەشارتن
تۆرا لالش یا راگەهاندنێ
فەرماندێ گشتی یێ هێزێن پێشمەرگەی ل شنگالێ(قاسم شەشو) ئاشكەراكر،گۆڕێن بكۆم یێن كوردێن ئَێزدی یێن هاتینە دیتن هەتا نهۆ چ بۆ نەهاتیەكرن،دخوازین رووفاتێن وان گۆڕان بێنە پاراستن و ڤەشارتن.
(قاسم شەشو)د داخویانیەكا تایبەت دا بۆ رۆژناما دەنگێ لالش راگەهاند،گۆڕێن بكۆم یێن كوردێن ئَێزدی یێن هاتینە دیتن چ بۆ نەهاتیەكرن و چ رێز لێ نەهاتیە گرتن و چ گرنگێ پێ نەهاتیە دان،بەلێ ئەم وەكو كوردێن ئێزدی وان گۆڕان ب پیرۆزترین تشت ددانن و وان گۆرا بەهایێ خۆ یێ لجەم مە هەی و كەس و كار و عەزیزێن مە یێن تێدا و ئەم وەكو كەس و كارێن وان رووفاتا نەك ئەم نكارن رووفاتێن خۆ راكن و ڤەشێرن،لێ ئەم ل هیڤیا وێ چەندێ نە مافێن ڤان رووفاتا و كەسێن خۆ كرینە قوربانی ب دەست خۆڤە بینن و زارۆكێن وان ب مافێن خۆ شادببن و ئەوژی نەئێنە كۆمكوژیكرن و گۆت:((هەر چەندە ئەم بێ هیڤی بووینە ژ حكوومەتا عێراقێ،لەورا داخوازا مە ژ حكوومەتا هەرێما كوردستانێ ژی ئەوە پتر گرنگیێ ب گۆریَِن بكۆم بدەت و ئەگەر رووفاتێن وان گۆڕان نەئێنە ڤەشارتن بلا بێنە پاراستن هەتا وی دەمی دئێنە ڤەشارتن و كۆمكوژیا تووشبووینێ ب جینۆساید بێتە ناساندن)).
شەشو خویاكر ژی ئەم ب وەلاتیێن عێراقی دئێنە دانان،بەلێ مە چ هیڤی ب حكوومەتا عێراقێ نەماینە بۆ راكرنا رووفاتێن گۆریَِن بكۆم یان ژی بۆ پاراستنا وان،ئەم هیڤی خوازن تشتەك بۆ ڤان گۆڕان بێتە كرن.
تُتاح هذه الصورة أيضا في: کوردی