ئەمریکا پێشوازی ل بریارا ڤەکرنا فرۆکخانەیێن ھەرێمێ کر
WAAR-دهۆك:
جێگرێ سەرۆکێ ئەمریکا و بالیۆزخانەیا وی وەلاتی ل ئیراقێ، پێشوازی ل ڤەکرنا فرۆکخانەیێن ھەولێر و سلێمانیێ کر و ب گاڤهكا ئهرێنی ژبۆ چارهكرنا گرفتێن مایی ب ناڤ كر.
مایک پێنس، جێگرێ سەرۆکێ ئەمریکا د پەیوەندییەکا تێلەفۆنێ دا د گەل حەیدەر عەبادی، سەرۆکوەزیرێن ئیراقێ شادبوونا خوە ژ بریارا دوبارە ڤەکرنا فرۆکخانەیێن نێڤدەولەتی یێن ھەولێر و سلێمانیێ ل ھەمبەر گەشتێن نێڤدەولەتی و خەرجکرنا مووچەیێن پشکەکا فەرمانبەرێن ھەرێمێ دیار کر.
ھەڤدەم بالیۆزخانەیا ئەمریکا ژی ل بەغدا پێشوازی ل ھەمان بریارێ کر و د بەیانەکێ دا راگەھاند؛ گۆتوبێژێن ڤەکرنا فرۆکخانەیان نموونەیهکا ئەرێنی یە و پێدڤییە ئەو گاڤە وەک رێبازەک ژبۆ چارهكرنا گرفتێن مایی یێن ناڤبهرا ههولێر و بهغدایێ بهێت بكارئینان.
ھەروەسا ھاتییە: ئەمریکا پشتەڤانییا ھەرێمەکا بھێز د ئیراقا فیدرال دا دکەت و دێ ل سەر پشتەڤانییا خوە ژی بەردەوام بن.
تُتاح هذه الصورة أيضا في: کوردی