بۆچى پرچ گهلهك د وهریێت؟
نوش نیوز:
وهریانا پرچێ نهخوشیهكه ههردوو رهگهزێن نێر و مێ بو دنالن لێ پتریا وان نێر ئانكو زهلام بهر ئهڤێ قوربانى و نهخوشیێ دكهڤیت و نوژدارهك ب رێكا نوش نیوز ئهگهرێن وهریانا پرچێ دیاردكهت.
د. بارزان خالد شهرهف تایبهتمهندێ نهخوشیێن پیست و جوانكاریێ بو نوش نیوز گوت: وهریانا پرچێ ژ كهسهكێ بو كهسهكێ دیتر یا جودایه لێ پتریا نهخوشیا وهریانا پرچێ ل نك مه و جیهانێ ههمویێ ئهو چهنده یه دهمێ وهریانا پرچێ ژ جیناتا بیت ئانكو (ویراپه) بیت و دهمێ مرۆڤ بالغ دبیت پتر پرچ د وهریێت چونكه پشتى قوناغا بالغ بونێ دهرمێ هورمونێن لهشێ مرۆڤى یێن جنسى مهزن دبن دبیته ئهگهر پرچ ژى لاواز بیت و ب وهریێـت و گوت: بو ئافرهتان پتریا ئافرهتان دهمێ پرچا وان د وهریێت ئهو دهمن دهمێ یا ب دوو گیان و تشتهكێ نورماله و ئاخفتنهكا كوردى ههیه دبێژنه ژنكێ پرچا ته وهریا ئهو زاروكێ د زكێ ته دا یێ نێزیكه لهورا، لێ چ راستى بو ڤان گوتنان نینه و تشتهكێ نورماله دبیت قوناغا دهستپێكێ یا دوو گیانێ بیت و پرچ ب وهریێت.
د. بارزان خالد شهرهف تایبهتمهندێ نهخوشیێن پیست و جوانكاریێ دیاركر ژى كو خوارنا فێقى و كهسكاتى و باهیڤ و گیزان گهلهك كاریگهریا خو ههیه پرچ بهێز بیت و نه وهریێت و خوارنا مهعلهباتان ئهگهره پرچ ب وهریێت و ئهگهرهكێ دیتر ئهو چهنده یه پرچ ب وهرێت بكارئینانا جێلى و كهویكرنا پرچێ ب تایبهت نك گهنجان ئهگهرهكێ مهزنه پرچ لاواز بیت و ب وهریێت.
تُتاح هذه الصورة أيضا في: کوردی