نهبوونا ددانا د ناڤ دهڤى دا نهخۆشيان پهيدا دكهت
نوش نيوز:
“تەغمە” ئەو پارچا لاستیکی یە ل گەل ددانا بۆ وی کەسی ئەڤێ ددان د دەڤی دا نەيى و پارچەک ژ لاشی کێم دا بشێت کارێ خۆ یێ رۆژانە ببورینيت.
د. سوبحی خهليل ئامێدى بسپۆر د چێکرنا ددانا دا خویاکر کو تەغما ددانا ئەم دبێژینێ پشكا قهرهبووكهر، ھەکە تشتەکێ مرۆڤی یێ کێم بیت مرۆڤ لێ زێدە دکەت.
د. سوبحی دیار کر کو دو جورێن تەغما یێن ھەین، یێن تهمام و یێن پارچە و گۆت: “یێن تهمام ژی مە یێن ھەین یێن لڤوک و یێت بنهجهـ، یێن پارچەی ژی ھەکە ددانەک د ناڤ دەڤی دا یێ کێم بیت ل سەر تمام بکەین ئەو ژی دو جورە؛ ئاسن و پلاستیک”.
د. سوبحی خهليل ئامێدى بسپۆر د چێکرنا ددانان دا
تايبهتمهندێ چێكرنا ددانا گۆت: “چێکرنا تەغما یا ب سەر گێژیە، چونکو د گەلەک قووناغان دا دەرباز دبیت، قووناغا ئێکێ دەمێ نوشدار دهستنيشان دکەت، پاش قالبى بۆ دگریت، پاش فرێ دکەتە تاقیگەھێ و ل رێ ژی ئەڤ قالبە دێ ھێنە سەبکرنێ پاش دێ (سنتریکێ) بۆ چێکەین دا بزانین بلنداھیا دەڤێ نهخۆشى چەندە و کا چەوا دەڤێ وی دکەڤیتە ئێک و نە دەڤ و لێڤێن وی گەلەک بچنە ژ دەرڤە یان بچنە ژ ناڤ دا”.
بەردەوامی دا ئاخفتنا خۆ و گۆت: “تەکنیکكار دێ ئێختە د ئامیرەکی دا کو دبێژنێ (ئەتیکو لێتەر) کو وەکو دەڤێ مرۆڤی دھێتە ڤەکرن و گرتن دێ پێڤە زهبت کەت ژ نوو دێ ددانا ئێخنێ و دێ کەنە د ئامیرەکێ دی دا دێ (ئەتیکو لێتەری) ژێ ڤەکەن و دێ کەنە (فلاسکی) دا کو ئەو ژی وەکو بوكسهكا بچووکە د وێرێ دا دێ ھێتە زەبت کرن ل بن پلێژەری و دێ کەلینن دا ددان دەرکەڤن بچیتە ناڤ د گێچێ دا و شەما وێ ژێ ڤە بیت ژ نوو جھێ شەمایێ دێ ماددەکی کەنێ کو یێ سورە شوونا پدیا بگرن دێ کەنە د ئاميرى دا ڤە و دێ کەلینن دا زهبت بیت، دێ ژ ناڤ گێچێ ئیننە دەر و دێ پولش کەین ئەو پرتێن زێدە دێ ژێ ڤەکەین وی دەمی مە دێ تەغمەکا تهمام ھەبیت”.
د سوبحی گۆت: “تەغمە گەلەکا باشە بۆ ساخلەمیێ چونکو کەسێ بێ ددان تووشی گەلەک نەخۆشیێن ھناڤا و مەعیدەی و قولونێ و ھەودانا ریڤیکان دبیت و ھەرسکرنا خوارنێ ب رێیا ددانایە، لەورا مرۆڤێ بێ ددان پێدڤی ب تەغمێ یە دا ژ ڤان نەخۆشیا بێتە پاراستن دیسان ئاخفتنا کەسێ بێ ددان ژی نە یا دروستە گەلەک پێت خەلەت دەردکەڤن یان ھندەك جاران ھەر مرۆڤ تێناگەھیت، دیسان ددان کارتێکرنێ ل سەروسیمایێ مرۆڤی ژی دکەت، کەسێ بێ ددان دەهـ سالان ژیێ وی دھێتە خوار ئەو کەسێ بێ ددان وەکو مرۆڤەکێ نە تهمامە”.
نوشداری دیار کر کو ئەو کەسێن ئەو تەغما بۆ دروست دكهت پتر ئەو کەسن يێن ژیێ وان ژ 50 ههتا 70 سالیێ رێژەکا کێما گهنجا یا ھەيی پێدڤی ب تەغمێ دبن ئەو ژی تووشی نهخۆشيهكێ یان روودانەکێ بووین یان پیتە ب ددانێن خۆ نەداینە، بوویە ئەگەر ددانێن خۆ يێن ژ دەست داین.
سوبحی گۆت: “ئەو کەس مفاى ژ تەغمێ ناکەت ئەوێ دەروونێ وان یێ ئارام نەبیت ل گەل تەغمێ، چەند باش ھاتبیتە چێکرن، گەلەک کەس ھەنە ههتا پێنج تەغما ژی بۆ ھاتینە دروست کرن، چونکو دهم دڤێت و تەحەمول ههتا تەغمێ ب راوەستینی تایبەت لغافێ بنی چونکو کومەکا لاستیکێ یە د دەڤی دا دھێت و دچیت یێ حەز ھەيی دێ فێر بیت، یێ نە ل گەل نا قەتینيت، دیسان ئەڤ تەغمە چو جاران وەکو ددانێن دروست لێ ناھێن”.
گۆتژى: “پێدڤيه ئەو کەسێ تەغمێ ب کار دئینيت، پشتی ھەر خوارنەکێ بشۆت تایبەت پشتی وان خوارنا يێن دنکێن ھوور د ناڤ دا وەکو باجان و ھژیر چونکو دکەڤنە دبن قالبی ڤە گەلەک ئێشانێ پەیدا دکەن ھندەک دیسان جورەکێ حەبکا یێن ھەین گرێداینە ب تەغمێ ڤە ھەر حەبکەک ژی بۆ حەفت رۆژایە دێ تەغما خۆ نورمال ب مەعجینی و فرچەی شۆت و دێ وێ حەبکێ کەتە د ناڤ دو گلاسێن ئاڤێ دا و دێ لغافێ خۆ بۆ ما وێ حەفتیەکێ ھێليتە د ناڤ دا و حەفتیانە دێ ڤێ پروسێ ئەنجام دەت”.
ل دووماهيێ ژى د. سوبحى ئامێدى گۆت: “ھندەک کەس یێن ھەين تەغمێن خۆ دکەنە د ناڤ فاسێ دا، ھەکە ب شێوەکێ نورمال بکاربینيت فاسێ وەکو کەڤچکەکێ زادی بکەتە ناڤ گلاسەکێ ئاڤێ دا ھەتا سپێدێ تەغما خۆ بھێليتە د ناڤ دا، بهلێ ژ حهفتيێ جارهكێ نەبوریت دێ سپی بیت.
تُتاح هذه الصورة أيضا في: کوردی