مامۆستایێن دهۆكێ بایكۆت شكاندن
باسنيوز:
سەرۆكێ لقێ دهۆك یی ئێكەتیا مامۆستایێن كوردستانێ دیاركركو ئەڤرۆ 29/3/2018 مامۆستایێن دهۆكێ بایكۆت شكاندن. دێ ئەڤرۆ داخازێ ژ حكومەتا هەرێما كوردستانێ كەن هەر 30 رۆژان جارەكی مووچە بهێتە بەلاڤكرن.
وەهبی یونس، سەرۆكێ لقێ دهۆك یێ ئێكەتیا مامۆستایێن كوردستان بۆ(باسنیوز)دیاركر:” پشتی حكومەتا هەرێما كوردستانێ پلانەكا نوو ل سەر پاشكەڤتا مووچە راگەهاندی، ئەڤە بوویە جهێ دلخۆشیا مامۆستایێن دهۆكێ هەر ئەڤرۆ مامۆستایان بایكۆت شكاندن. ئێدی خوەپێشاندانێ ناكەن دێ قەستا هۆلێن خاندنێ كەن ل سەرانسەرێ دهۆكێ. ب ناڤێ هەموو مامۆستایێن دهۆكێ ئەم سوپاسیا هەڤكاریا وهەماهەنگیا دەزگەهێن ئێمناهی و پێشمەرگەهێن قەرەمان دكەن. ئەڤرۆ ل دەمژمێر 10 سپێدی دێ كونفرانسەكێ دا شكاندنا بایكۆتا مامۆستایێن دهۆكێ هێتە راگەهاندن”.
خویا ژی كر:” ئەڤرۆ ئەم دێ داخازێ ژ حكومەتا هەرێما كوردستانێ كەن ل دووڤ پلانا نوو یا مووچە هەر 30 رۆژان جارەكێ مووچە بهێتە بەلاڤكرن، هەروەسا ژی پاشكەڤتێ مووچێ مامۆستایان ژی ل بەنكا بناڤێ مامۆستایان حساب بۆ بهێنە چێكرن”
تُتاح هذه الصورة أيضا في: کوردی