مهحما خهلیل: پهكهكێ ژبهر گهفێن توركیا ژ شنگال چوول كر
WAAR-دهۆك:
دهڤهردارێ شنگالێ راگههاند؛ پهكهكێ ژبهر گهفێن توركیا شنگال چوول كر و ئهڤه ژی داخوازا خهلكێ شنگالێ بوو.
مهحما خهلیل دهڤهردارێ شنگالێ بۆ دهنگێ ئهمریكا گۆت: ئیداره و جڤاتا شنگالێ چهندین جاران داخواز ژ پهكهكێ كر شنگالێ چوول بكهت و زێدهتر رێگریێ ل ئاڤاكرن و ڤهگهریانا خهلكی نهكهت، لێ پهكهكێ چوول نهكر تاكو توركیا گهف لێكرین.
گۆت ژی: چوولكرنا شنگالێ ژ ئالیێ پهكهكێ ڤه، داخوازا خهلكێ شنگالێ بوو و ئهڤه ژی گاڤهكا باشبوو داكو جارهكا دی شنگال نهكهڤیته بهر ههڤركیێن نێڤدهولهتی و نها حهشدا شهعبی و پۆلیسێن فیدرال و سوپایی ئیراقێ د ناڤا شنگالێ دانه و ئیدارهیا شنگالێ ب فهرمی داخواز ژ حكومهتا ئیراقێ كرییه، حهشدا شهعبی ڤهكێشیت و ب رێككهفتن هێزێن پێشمهرگهی و هێزێن ئیراقی ل بن چاڤدێرییا ئهمریكا شنگالێ برێڤهببهن.
مهحما خهلیلی گۆت ژی: نها هێزهكا پێشمهرگهیێن فهرماندهیا شنگالێ كو ژ مارا وان ههشت هزار پێشمهرگهنه ل مهزارێ شهرفهدینی نه ل شنگالێ، لێ ههبوونا وێ هێزێ ل شهرفهدینی نهیا فهرمی یه، بهلكو پترییا وان خهلكێ دهڤهرێ نه و بۆ پاراستنا شهرفهدینی ل وێرێ نه.
تُتاح هذه الصورة أيضا في: کوردی