ژبەر هەلبژارتنان حكوومەتا عێراقێ خۆ نێزیكی خەلكێ شنگالێ دكت
تۆرا لالش یا راگەهاندنێ
ل ڤان رۆژان دا دگەل نێزیكبوونا هەلبژارتنێن پەرلەمانێ عێراقێ بەغدا یا خۆ نێزیكی شنگال دكت،نهۆ حكوومەتا عێراقێ بەهانەیێن هەمەجۆر دەستهەلاتا حەشدا شەعبی ل شنگال بەرفرەه دكت و دخەمێن زڤرینا ئاوارێن شنگالێ دا نینە.
ئەندامێ جڤاتا قەزا شنگال(عیدۆ دەروێش عیدۆ) بۆ دەنگێ لالش دیاركر،حەشدا شەعبی بەربژێن خۆ ل شنگال هەنە وحكوومەتا عێراقێ پشتەڤانیا وان دكت یێ نهۆ ل شنگال كاردكن خەلك زڤرت بتنی بۆ زێدەكرنا دەنگێن خۆ گەلەك جاران بەرپرسێن وان یێ ل ڤان رۆژان بێژن دێ بۆ شنگال پرۆژان دروست كن و دێ بۆ كاركەین،لێ ئەڤە چار سالن بۆچی بەغدا چوو نەدكر هەتا نهۆ پشەڤانیا ئاوارێن شنگال نەكریە و گۆت:((حكوومەتا عێراقێ باش دزانت ئاوارێن شنگال ژبەر میلیشاتێن عێراقی نكارن زڤرن لەورا ژی رێككەفتنا ناڤبەرا عێراقێ و پەكەكێ دا حكوومەتا عێراقێ دەستهەلاتا حەشدا شەعبی ل شنگال بەرفرەه كر ئەو خەلكێ چووینە شنگال ژی تووشی ئاستەنگێن مەزن بووینە ژبەر بارودۆخی نهۆ شنگال تێدا وهاتنا هێز ومیلیشاتێن عێراقی بۆ ناڤ دەڤەرا شنگالێ)).
ئەو چەندە ژی دیاركر،حكوومەتا عێراقێ باش دزانت ئاوارێن شنگال ب تایبەتی ل چیایێ شنگال د چ رەوش دانە بتنی موزایەدە دكت هیچ تشتەكی دێ بۆ ئاوارێن شنگال ناكت،بۆ بەغدا خەم نینە(20)سالێن دی ژی خەلكێ شنگال نەزڤرن دبن خیڤەتان دا بژین.
تُتاح هذه الصورة أيضا في: کوردی