ل شنگال حەشدا شەعبی دوو گومركێن نە یاسایی دانان وباجێ ژ خەلكێ وەردگرن
باسنيوز:
قایمقامێ قەزا شنگال دیاركر كو حەشدا شەعبی ل شنگال دوو گومركێن نە یاسایی دانان. هەر كەسەكێ كەرەستەكی ژ شنگال بەرەڤ تەلەعفەر ببەت باجێ ژێ وەردگرن، ئەو باج بۆ حەشدا شەعبی دمینت.
مەحما خەلیل قایمقامێ قەزا شنگال بۆ(باسنیوز) دیاركر:” هەر كەسەكێ كەرەستەكی یان جۆرەكی ئاژەلی ژ شنگال وسنۆنێ ببەن حەشدا شەعبی ل سەر ریێا تەلەعفەر بۆ شنگال باجێ ژێ وەردگرن.
هەروەسا ژی ل دەڤەرا بارێ ژی حەشدا شەعبی گومرك دانایە. ل ڤان هەردوو جهان باجێ ب شیوەیەكی نە قانوونی و دەستووری ژ وەلاتیان وەردگرن. بۆ سەرێ ئاژەلەكی چار هزار دینار ژ وەلاتیان دهێنە وەرگرتن. هەر كەسەكی كەرەستەكێ یان ترۆمبیلەكێ ببەن باجێ ژی دهێتە وەرگرتن. ئەڤ گومركا حەشدا شەعبی ل دەڤەرا ئەم شبابیك دۆریانا تەلەعفەر بۆ شنگال هاتیە دانان”.
خویا ژی كر:” ب فەرمی مە داخاز ژ پارێزگارێ مووسل ودام ودەزگەهێن حكوومەتا عێراقی ل مووسل كریە رێگریێ ل حەشدا شەعبی بكەن ونەهێلن باج ب شیوەیەكی نە قانوونی و دەستووری ژ خەلكێ بهێتە وەرگرتن. هەتا نۆكە چوو نەهاتیە كرن وبەردەوام حەشدا شەعبی باجێ ژ خەلكێ وەردگریت”.
تُتاح هذه الصورة أيضا في: کوردی