سەنتەرێ شاناز خزمەتێن دەروونی پێشكێشی ئاوارێن كۆمەلگەها خانكێ دكت
تۆرا لالش یا راگەهاندنێ
سەنتەرێ شاناز یێ جڤاكی ل كۆمەلگەها خانكێ خزمەتێن دەروونی پێشكێشی كچێن ئاوارێن شنگالێ دكت،لگۆر سەنتەری ئاوارە هێشتا پتر پێتڤی ب هشیاركرنا دەروونی و پشتەڤانیێ نە.
كارمەندا جڤاكی ل سەنتەرێ شاناز یێ جڤاكی ل كۆمەلگەها خانكێ(چنار ئبراهیم)بۆ دەنگێ لالش دیاركر،وەك سەنتەر گەلەك گرنگیێ ددەینە بارێ دەروونی یێ ئاواران و ب تایبەت رزگاربوویێن ژ دەستێ داعش و خزمەتێن دەروونی پێشكێشی ئاواران دكەین،هەروەسا هاریكاریێن مە بتنێ بۆ رەگەزێ مێ یە بۆ كچێن تەمەنێ وان(15)سالی چنكو ژنا ئێزدی مەزنترین قوربانیا دەستێ ریكخراوا تیرۆرستی یا داعشێ بوویە ل عێراقێ و بوویە قوربانیا ئاوارەبوونی ژی،لەورا ئەو پتر پێتڤی ب هشیاركرنا دەروونی و پشتەڤانیێ نە بۆ ژیانەكا ئارام.
خویاكر ژی سەنتەرێ وان ل سالا(2014)ێ هاتیە دامەزراندن،ژلایێ رێكخراوا یوئێن ڤە دئێتە پشتەڤانیكرن بۆ خزمەتكرنا ئاواران ل كۆمەلگەها خانكێ.
تُتاح هذه الصورة أيضا في: کوردی