داعش دەستێ راستی یێ گەنجەكی رزگاربوویێ ئێزدی بری یە و یێ چەپی شكاندیە
تۆرا لالش یا راگەهاندنێ
گەنجێ ئێزدی(برزان عیدو خەلەف) ل سووریا ژ دەستێ داعش هاتیە رزگاركرن،پشتی رازی نەبووی بچتە شەری داعش دەستێ وی یێ راستی ب گولان بڕی نە و یێ چەپێ شكاندن و ئاسنەك كرنە دناڤ دە نكارت خوارنێ بخۆت،ئەو داخوازا هاریكاریێ ژ جیێن شۆلەژێ ورێكخراوان دكت دەستێ هاریكاریێ بۆ درێژ بكن.
برزانی بۆ رۆژناما دەنگێ لالش راگەهاند،دەما ژئالیێ داعش ڤە هاتیمە گرتن پتر ژ سالەكێ ل قوتابخانەكا مووسلێ دا فێری گەلەك كارێن خراب كرم وەك ئایینێ ئیسلامەتێ ب زۆری و سەربرینێ و گەلەك كارێن دیتر،پاشی ژ مووسلێ ڤەگوهاستینە باژێرێ رەققە ل وەلاتێ سوریا و قوتابخانەكا سەربازی كرن و گەلەگ گەنجێن دی دگەل من دابوون بەرهەڤكرین ژبۆ شەری و خۆ پەقاندنێ،بەلێ رازی نەبووم بچمە شەری ژئەگەرێ ڤێ چەندێ داعش دەستێ من یێ راستی ب گولەیان بڕین و یێ چەپێ شكاندن و ئاسنەك كرنە دناڤ دە و نكارم خوارنێ بخۆم و خۆ بشۆم،داخوازێ ژ جیێن شۆلەژێ و رێكخراوێن بیانی دكەم هاریكاریا من بكن.
هەروەسا مامێ برزانی بەحسێ چاوانیا رزگاركرنا وی دكت و بۆ دەنگێ لالش دیاركر،داوی جارا دەنگ و باسێن وی هاتین هاتە گۆتن ل باژێرێ رەققایێ یە ب رێیا چەندین برادەرا و دۆست و ناسان هەتا خۆ گەهاندیە وی ل رەققایێ هاتە دیتن و یێ ئێخسیر بوو ل نك بنەمالەكا ئەرەبان و ل داویێ ب زۆر و زەحمەت مە رزگاركر.
ل دەما رێكخراوا داعش ل(3\8\2014)ێ دەست بسەر شنگالێ دا گرتی،برزان دگەل سەدەهان زارۆك و گەنجێن ئێزدی كەفتنە دەستێ داعش وهاتنە گرتن،هێشتا چارەنڤیسێ سەدان ژ وان یێ دیار نینە.
تُتاح هذه الصورة أيضا في: کوردی