جوداهی دناڤبەرا رەش وسپی دا
خالد ئەحمەد بادی
پشكا ئێكێ
ئەگەر لاپەرێن فەرهەنگا دیرۆكا كوردان ڤەكەین وپێداچۆنەكێ ل ناڤەرۆكا فەرهەنگا ناڤبری دا بكەین وسەیری برگ ولاپەر ورستێن وێ بكەین بتنێ دێ دیمەنێن كەشەفرێت یێن زولم وستەم وزۆرداری وئەنفال وگرتن وزیندان وبێ بەهر كرن بەروكا مللەتێ كورد بووینە و لسەر مللەتێ كورد هاتینە سەپاندن وكورد بووینە پێ خارن وپاریەكێ ب ساناهی بۆ دوژمنان ل هەموو پارچێن كوردستانێ ولسەر دەستێ پتریا حوكمران ودەستهەلاتدارێت زۆردار لسەر وەلاتێ كوردان كوردستانێ خۆ سەپاندینە.
مەرەم ژمانشێتێ بابەتێ مە ئەوە كو چ جاران دوژمنێن كوردان جوداهی دناڤبەرا چین وتوێژ ونەتەوە وئایینان نە كریە وبتنێ ل بەراهیكا هەموو بەرنامە وكارێن وانان بنبركرنا كوردێن ئێزدی وكوردێن موسلمان و كوردێن كریستیان وكوردێن باكوور وباشوور ورۆژئاڤا ورۆژ هەلات بوون،وبتنێ تاك ومللەتێ كورد كریە ئارمانجا خۆ چ یەزیدی چ مەسیحی چ موسلمان چ سورانی بت یان بادینی بت چ خزمەتا وان بكت یان دوژمناتیا وان بكت یان خزمەتا وانان كربت لپێش دەم كو دناڤ رێزێن وانان دا جاشاتی ونوكەری ولەشكەری بۆ كربت لجەم رژێمێن روخیایی یێن گۆربگۆر هەموو مینا ئێك دهاتنە هژمارتن هەر چ بت وبتنێ كورد كرینە دستێركا تڤەنگ وتیرێن خۆ دا وئەگەرا ڤێ چەندێ ژی بتنێ ترسا دوژمنان بتنێ ژ كوردان بوو،چنكو دخورستی وزیرەك ومێرچاك بوون وچ جاران مللەتێ كورد چوك بۆ چ دوژمنان نە دانایە وبتنێ هەر كورد بووینە هەموو ئایین ومەزهەب ونەتەوە ل كوردستانێ پاراستین وروی وبها وقەدر دایێ وهێلایە ب ئازادی هەموو ئاهەنگ وبیرەوەریێن خۆ یێن ئایینی ونەتەوەیی بگێرن بێ جوداهی وهەر جیێ كوردان دەستهەلات هەبت وهەبوویە هەموو ئایین ومەزهەب ومللەتان ب ئارامی وئاشتی وئازادی كاروبار وژیانا خۆ بریە سەر.
مللەتێ كورد ژی ب درێژاهییا دیرۆكێ بتنێ بەرگری ژ خاك ومللەت و وەلاتێ خۆ كریە وكوردستان پاراستی یە ومافێن خۆ زڤراندینە ڤە یێن دوژمنان ژێ ستاندین،بویەر لدووڤ بویەرێ دئێن وهەردەم هەموو دەستهەلاتدارێن هەرێمی ودەولەتێن دۆرماندۆر ویێن بیانی یێ كێركێن خۆ خوش دكن بتنێ بۆ كوردان و پتریا وانان ژ ئەو وەلاتن یێن تۆلا خۆ ژكوردان ڤەدكن وهەموو كەرب وكینا خۆ دادرێژنە سەر كوردان ژبۆی كو كورد نە دادیێ قەبول ناكن ومللەت و ئایینێن دی ژی پاراستی نە،بۆ نموونە ل سالێن دێرین كوردا ئایینێ ئیسلامێ ژ ئەرەبان پتر پاراستی یە وبەرگری ژێ كریە وقودس ژ دەستێن وانان رزگار كریە وهەروەسا كوردان مەسیحی ژی پاراستی نە وهەر هەموو رژێمێن دی ناسناما مەسیحیەتێ ژێ ستاندی نە لێ كوردان بەردەوام بەرگری ژ هەموویان كریە،هەروەسا لدەمێ رژێمێن گەنی وروخیایی ل عێراقێ شەرێ ناسنامە ودەڤەر وئایینێ ئێزدیا دكرن كوردان وهەموو ئایینان بەرسینگێ دوژمنێ درندە گرتیە وئایینێ ئێزدیان پاراستی یە ورژێمێن ئەرەب ویێن دكتاتۆر ناسناما بكوتەكی یا ئەرەبی ددا برایێن ئێزدی هەر هەموویان ب هەڤرا یەك چارەنڤیس هەبوویە كوردێن ئێزدی ویێن موسلمان ویێن مەسیحی،لەوما ب هەڤرا ژی كەفتنە دقادا خەباتێ دا وهەموویان بەرەڤانی ژ وەلاتێ خۆ كوردستانێ دكر.
تُتاح هذه الصورة أيضا في: کوردی