عەفرین.. چەکدارێن سوپایێ ئازاد دەست ب تالانکرنا مالێن کوردان کر
WAAR-دهۆك:
چەکدارێن ئۆپۆزسیۆنا سووریێ یێن تورکیا پشتەڤانیێ لێدکەت دوبارە دەست ب تالانکرن و وێرانکرنا مال و مولکێ کوردان ل باژارێ شەرایێ سەر ب عەفرینێ ڤە کر.
ل گۆرەی ژێدەرێن ژ ناڤا باژارێ شەرایێ، چەکدارێ سوپایێ ئازادێ سووریێ خەلکێ وی باژاری و گوندێن دەردۆر کۆمکرینە و ب بەھانەیا ھەبوونا شەرڤانێن یەپەگێ بۆ دەمێ سێ ساتا ل مەیدانەکێ ھێلاینە.
ئاشکرا ژی کر، پشتی وەلاتی ڤەگەریاینە مالێن خوە وەسا دیت کو چەکدارێن سوپایێ ئازاد و مالێن عەرەبێن ناڤ گوندی ھەموو ناڤمالییێن وان تالانکرینە.
ل گۆرەی ئامارێن داویێ، دوسەد و پێنجی مالباتێن کورد ل باژارکێ شەرایێ ھەنە و سەد و دو مالبات ژ وان ڤەگەریاینە سەر مالێن خوە، چل و پێنج مالباتێن عەرەب ژی لێ ھاتینە ئاکنجیکرن.
تُتاح هذه الصورة أيضا في: کوردی