مهسروور بارزانی: بۆ قۆناغا بهێت دێ ل سهر بنهمایێ بجهئینانا دستووری سهرهدهریێ كهین
WAAR-دهۆك:
شیرهتكارێ جڤاتا ئاسایشا ههرێما كوردستانێ راگههاند؛ بۆ پێكئینانا حكومهتا بهێت یا ئیراقێ، ههرێما كوردستانێ سهرهدهرییێ ل گهل كهسان ناكهت، بهلكو دێ ل سهر بنهمایێ بجهئینانا دهستووری سهرهدهریێ كهت.
مهسروور بارزانی شیرهتكارێ جڤاتا ئاسایشا ههرێمێ ئهڤرۆ ل گهل جوانه لانس بالیۆزا نوویا ئۆسترالیا ل ئیراقێ كۆمبوو و راگههاند؛ پێدڤییه رێز ل داخازی و مافێ پێكهاتهیێن ئیراقێ بهێته گرتن و پێدڤییه دستوور بهێته بجهئینان و كورد ههڤپشكێن راستهقینه بن د بریار و رێڤهبرنا ئیراقێ دا.
گۆت ژی: پێدڤییه پرۆسهیا سیاسی ل ئیراقێ ب كهڤیته سهر رێیهكا راست و ههرێما كوردستانێ ژی بۆ پێكئینانا خولا بهێت یا پهرلهمانی، سهرهدهرییێ ل گهل كهسان ناكهت، بهلكو دێ ل سهر بنهمایێ بجهئینانا دهستووری سهرهدهریێ كهت.
بالیۆزا ئۆسترالیا ژی، پابهندییا وهلاتێ خوه ب هاریكارییا ههرێما كوردستانێ و بهرفرههـ كرنا پهیوهندییان د ههموو بواران دا نیشاندا.
تُتاح هذه الصورة أيضا في: کوردی