رێڤەبەرێ گشتى یێ پەروەردا دهۆکێ: حکومەتا عیراقێ پارە رەوانەیى پەروەردا دهۆکێ نەکریە
دهۆک -KDP.info-
عومەر عەلى، رێڤەبەرێ گشتى یێ پەروەردا دهۆکێ راگەهاند، کاندیدەکێ دیار کر بوو، کۆ 2 ملیار دینار بۆ ئاڤاکرنا نەه قۆتابخانان ل پارێزگەها دهۆکێ ژ حکومەتا عیراقێ وەرگرتینە، بەلێ چ راستى بۆڤێ ئاخفتنێ نینە، ئەگەر کاندیدێ ناڤبرى نیەتەکا هندێ هەبایە یان ژى پرۆژەک بۆ خزمەتا پەروەردێ هەبیت بلا سەرەدانا مە بکەت دا پرۆژەیێ وى زەنگین بکەین.
جەمال کوجەر سەرۆکێ لیستا ئێکگرتوویى ئیسلامى بۆ ئەنجوومەنى نوونەرێن عیراقێ، ل 21-4-2018ێ، راگەهاند بوو، کۆ دوو ملیار دینار بۆ رێڤەبەریا پەروەردا دهۆکێ ژ حکومەتا عیراقێ وەرگرتیە، ئەڤرۆ 23-4-2018ێ، رێڤەبەریا گشتییا پەوەردا دهۆکێ کونگرەکێ رۆژنامەڤانى دەربارەیى داخویانیێن کاندیدەکێ سەر ب حزبا ئێکگرتوویى ئیسلامى ڤە سازکر، دڤى کونگرەیى دا داخویانیێن وى کاندیدێ هەلبژارتى بۆ ئەنجوومەنى نوونەرێن عیراقێ رەتکر.
عومەر عەلى، رێڤەبەرێ گشتى یێ پەروەردا دهۆکێ بۆ مالپەرێ فەرمیێ پارتى دیموکراتى کوردستان د کونگرەکێ رۆژنامەڤانیدا گۆت: “چ راستى بۆڤێ ئاخفتنێ نینە”.
رێڤەبەرێ گشتى یێ پەروەردا دهۆکێ زەلالکر: “تا نوکە ب هیچ رەنگەکى حکومەتا مەرکەزى ل عیراقێ پارە رەوانەیى پەروەردا دهۆکێ نەکریە سەرارایى هەبوونا رێژەکا زورا ئاوارەیان، دیسان ڤى کاندیدى رۆژەکێ ژى سەرەدانا پەروەردا دهۆکێ نەکریە و پرسا رەوشا خواندنێ و پێدڤیێن رێڤەبەریێ و قۆتابخانان نەکریە”.
عومەر عەلى، ئاماژەدا: “ئەگەر کاندیدێ ناڤبرى نیەتەکا هندێ هەبایە یان ژى پرۆژەک بۆ خزمەتا پەروەردێ هەبیت بلا سەرەدانا مە بکەت دا پرۆژەیێ وى زەنگین بکەین، نەک پرۆپاکندەکێ نەراست خۆ بەرچاڤ بکەت”.
تُتاح هذه الصورة أيضا في: کوردی