حكوومهتا عێراقێ دانپێدانێ ب ئیدارا حهشدا شهعبى ل شنگال ناكت
باسنيوز:
جڤاتا پارێزگهها مووسل ئاشكرا دكهت كو حكوومهتا عیراقێ ب خوه ژى دانپێدانێ ب ئیدارا نوو یا شنگال، كو ژ ئالیێ حهشدا شهعبى ڤه دهێته برێڤهبرن ناكهت، چونكو نه یا شهرعى یه و ل گۆرهى یاسایا ژماره21 یا جڤاتێن پارێزگههان، حكوومهتا عیراقێ یا پێگیره كو نابیت دانپێدانێ ب ئیدارا حهشدا شهعبى یا نهشهرعى ل شنگال بكهت.
بهرهكات شهمۆ، سهرۆكێ لیستا برایهتى و پێكڤه ژیانێ ل جڤاتا پارێزگهها مووسل بۆ (باسنیوز) دیاركر، جڤاتا پارێزگهها مووسل ب نڤیسارهكا فهرمى داخواز ژ حكوومهتا عیراقێ كریه حهشدا شهعبى ژ شنگالێ كریه و خواستینه چو هێز ل شنگال نهمینن ب تنێ ئهگهر پۆلیس و سۆپایێ عیراقێ بمینن و جارهكا دى ئیدارا شهرعى یا شنگال ب ڤهگهریته سهر دهوامێ و ژیانا خهلكێ شنگال، وهكو بهرێ ب ئارامى برێڤه بچیت، بۆ هندێ جارهكا دى خهلكێ شنگال ژ ئاوارهبوونێ ب ڤهگهریت و ژیان ل شنگال و ل دهڤهرێن ب سهر ڤه وهكو بهرێ ب ڤهگهریت.
شهمۆ ئاشکرا ژى كر، جڤاتا پارێزگهها مووسل كۆمبوونهكا تایبهت ل دۆر ڤێ یهكێ گرێدایه، چونكو حكوومهتا عیراقێ یا ناچاره كو نهشێت دانپێدانێ بكهت ب ئیدارا حهشدا شهعبى ل شنگال ل گۆرهى یاسایا ژماره 21 یا جڤاتێن پارێزگههان، ههروهسا حهشدا شهعبى ل شنگال بوویه ئهگهرێ تێكدانا رهوشا دهڤهرێ.
گۆتیشى: ”ئهم ژى وهكو جڤاتا پارێزگهها مووسل ب چو رهنگان دانپێدانێ ب ئیدارا نوو یا حهشدا شهعبى ل شنگال ناكهین و مه چو جاران ژى ههتا نوكه دانپێدان پێ نهكریه، چونكو هێزهكا نه یا شهرعى یه و مه چاڤ ل ڤهگهریانا ئیدارا شنگال ب خوهیه“ و گۆت: ”مه گۆتیه حكوومهتا عیراقێ ههموو هێزێن نه شهرعى پێدڤیه ل زووترین دهم ژ شنگالێ بدهركهڤن“.
پشتى روودانێن 16 ئوكتۆبهرێ حهشدا شهعبى دهست ب سهر شنگالێ دا گرتى، ئیدارا نوو یا شنگال هاتیه دهرخستن و حهشدا شهعبى ئیدارهكا نوو دانایه و د ماوێ دوو سالێن بۆرى دا ژیان ل شنگال تێكچوویه.
تُتاح هذه الصورة أيضا في: کوردی