خوارنا دەرمانا بێ ئاڤ زیانێن خوه ھەنە
نوش نيوز:
دەرمان ساز یاسر ئەحمەد بۆ نۆش نیوز ددەتە دیارکرن کو ژێدەرێ سەرەکیێ دروست بوونا دەرمانی گیایێن سروشتی نە کو پتر دەرمان ل گیای دھێنە چێکرن و ھەروەسا ژێدەری گیانەوەری دەرمان دھێنە وەرگرتن کو پتریا ھورمون و ئەنسولینا ل ڤی ژێدەرەی دھێنە وەرگرتن، ھەروەسا ژێدەرێ عەردی کانزای و مایکرۆ بایلۆجی و ژێدەرێن دەستکر ژی، ئەڤە ژێدەرێن سەرەکی نە کو دەرمان لێ بھێنە وەرگرتن و چێکرن.
زێدەتر گۆت: “ب شێوەکێ گشتی ھەر دەرمانەکێ مفا و زیانێت خوه ھەنە و دبیت ھندەک جارا مەترسی یا وی پتر مفایێ وی بیت، بەلێ ب شێوەکێ گشتی دەرمانا مفایێ خۆ پتر ژ زیانا ھەنە ھەکە ب شێوەکێ دروست بھێتە بکارئینان و نەساخ پێگریێ ب دروستی پێ بکەت”.
ئاماژە دا ھندێ کو خوارنا گەلەک دەرمانان د وەختەکێ دا کاریگەریا خوه یا نەرێنی ل سەر نەخۆشی ھەیە، تایبەت دانعەمران، چونکو مرۆڤێ دانعەمر ئەو ھێز نینە، ھەروەسا زارۆيا و ژنێن دوگیان ژی گەلەک جاران کارتێکرن لێ دھێتەکرن، ژ بەر ھندێ گرنگە دەمێ ھەر نەخۆشەک دەرمانەکێ وەردگریت بۆ نەخۆشیا خوه پرسیارا دکتورێ خوه بکەت کا دێ چاوا بکارئینیت ئەگەر حەساسی ب دەرمانا ھەبیت دکتوری پێ ئاگەھدار بکەت.
ھەروەسا دڤێت ل دووڤ رێمایێن نوشدارى نەخۆش دەرمانا ب کاربینیت ل وی دەمێ دیارکری بھێنە خوارن، نابیت زێدە یان کێم بکەی، ھەروەسا ئێک ژ تشتێن دی کو زۆر ژ خەلکی دەرمانا دخۆن تایبەت حەبان بێ کو ئاڤێ ل گەل ڤەخۆن، خوارنا حەبا بێ ئاڤ مەترسی یا ل سەر مروڤی ھەی، تایبەت دەرمانێن ئارامکەر و دەرمانێن خوین روونکرنێ و دژە زیندەک وەکی ئەسپرینێ، ئەڤە ھەموو قەرحێ بۆ مەعیدێ دروست دکەن، لەوما دڤێت ل گەل دەرمانا ئاڤ بھێتە ڤەخوارن.
ناڤبری ھێشتا گۆت: “دەرمان ماددەکێ کیمیاوی یە، ئێكسهر یان نه ئێكسهر گوھۆڕینێ ل لاشێ مرۆڤی دا دکەت، لەوما خوارنا دەرمانی سەربەخوه تشتەکێ خەلەتە، ھندەک جارا نەخۆش ژی ب دروستی نەخۆشیا خوه نزانیت دێ ل سەر ب خوه دەرمانا کریت و خۆت، ئەڤە ژی دێ کاتێکرنەکا نەرێنی کەتە سەر نەخۆشی و مفای لێ نابینیت”.
یاسر ئەو چەندە ژی گۆت: “ل مال دا دڤێت دەرمان بھێتە ھەلگرتن دوور ژ گەرمێ و تیشکا رۆژێ و ھەروەسا دوور ژ رتۆبەتێ بھێنە ھەلگرتن و ھەتا د لێلانگەھێ ژی دا نەھێتە ھەلگرتن، چونکو پلا گەرمێ یا بلندە و یا گرنگ ئەوە ئەڤ دەرمانە ل بەر دەستێ زارۆيا نەبن، چونکو زارۆ نزانیت دێ خۆت و چ زانیاری ل سەر نینە”.
تُتاح هذه الصورة أيضا في: کوردی