رۆسییەکێ ب شاشی ڤە 7400 دۆلار کرنە بەخشیش
WAAR-دهۆك:
وەلاتییەکا رۆسی کو ل سویسرا دژیت، ب شاشی ڤە نێزیکی حەفت هزار و چارسەد دۆلاران وەک بەخشیش دانە خوارنگەهەکێ و ل داوییا مەهێ ژنوی بابەت زانی.
ل گۆرەی مالپەڕێن بلیک و مینۆتێن یێن مەدیایی، وەلاتییەکا رۆسی ب ناڤێ ئۆلیسا شیماکۆڤا ل خوارنگەهەکا کەبابان ل باژێڕێ زیۆرخ یێ سویسرا پشتی بداویهاتنا خوارنا وێ، ل جهێ دانا بیست و چار فڕەنکان وەک بەخشیش، کۆدێ کرێدت کارتا خوە لێدایە کو حەفت هزار و حەفتسەد بوو و حەفت هزار و حەفتسەد فڕەنکێن سویسڕی کو نێزیکی حەفت هزار و چارسەد دۆلارانن، بووینە بەخشیش.
رۆسی یا ناڤهاتی ل داوییا مەهێ زانی یە کو پارەیێ وێ کێمە، پەیوەندی ب پۆلیسان کرییە، لێ پۆلیس نەشیاینە هاریکارییا وێ بکەن و ل دەمێ ڤەگەڕیایە خوارنگەهێ کو پارەیێ خوە ڤەگەڕینیت، خودانێ خوارنگەهێ ب گەشتەکێ ل تورکیا بوو، لێ برایێ وی سۆزا ڤەگەڕاندنا پارەیێ وێ دایە.
تُتاح هذه الصورة أيضا في: کوردی