سترانەكا نوو درێ دایە
تۆرا لالش یا راگەهاندنێ
هۆنەرمەند(شاكر حەلۆ) دكورتە دیدارەكێ دا بۆ دەنگێ لالش راگەهاند،هەر ژ بچووكاتیا خۆ دا وی دەست ب گۆتنا سترانێ كریە و پتر حەز لسەر سترانا فلكلۆری هەبوویە،هەروەسا بەرهەڤیێن چێكرنا سترانەكا نوو دكەم و درێ دایە.
حەلۆ گۆت:گۆتنا سترانێن فلكلۆری ل شەهیان و سەر سالان بوویە ئەگەرەك بۆ حەز ژێكرنا من بۆ كارێ هۆنەری و دوو ستران لسەر شنگال و وان جوامێر و خۆشمێرێن شەرێ تیرۆرستێن داعش كرین بەلاڤ كرینە و و پتر حەزا من لسەر سترانا فلكلۆری هەیە و نهۆ بەرهەڤییێن چێكرنا سترانەكێ دكەم،هەروەسا حەز ژێكرنا من بۆ سترانێ ئەو بوو كو گۆتنا سترانێ رێیەكە بۆ نەهێلانا وندابوونا فلكلۆری و پشتەڤانیا مەردان دكت بۆ مكومبوونا وان لبەر سینگێ زولم و زۆرداریێ.
ئاماژە ب وێ چەندێ دا ژی گەلەك دۆست و هەڤال پشتەڤانێن من بوون و بەهرەمەندیا من ئانینە سەر زمان،ژمارەكا سترانان هەنە كو ژ پەیڤ و ئاوازێن من بخۆنە و ژ وانا ژی (شاهی ل مە بوون هزرەت،بێ مەفەرن بێ تە شنگال)،زێدەباری كلیپەك ژی من هەیە ب ناڤێ (ئەزداینە ئەم) كو من و مامۆستایێ هۆنەرمەند دەخیل ئۆسمان ب هەڤرا چێكریە.
تُتاح هذه الصورة أيضا في: کوردی