توركیا خێزانێن ئێزدى ب زۆرى ڤهدگهرینته عهفرینێ
باسنيوز:
هژمارهكا خێزانێن كوردێن ئێزدى عفرینێ ل دهمێ شهر د باژێرێ وان دا بهرهڤ باژێرێ ئهزمیرێ كۆچبهر ببوون و نها وهلاتێ توركیا ب زۆرى وان خێزانان ڤهدگهرینیته ڤه بۆ باژێرێ وان ل عفرینێ.
ل گۆرهى وان زانیاریێن مالپهرێ كوردێن ئێزدى (ئێزدینا) ئاشكرا كریه، هژمارهكا خێزانێن كوردێن ئێزدى بهرهڤ باژێركێن وهلاتێ تۆركیا ل دهمێ شهرێ عفرینێ كۆچبهر ببوون و پشتى ب دووماهى هاتنا شهرى و داگیركرنا عفرینێ، تۆركیا نها د بزاڤا هندێ دایه ههموو خێزانێن ئێزدى ئهوێن بهرى نها ل عفرینێ دژیاین و كۆچى وهلاتێ تۆركیا بووین، جارهكا دى وان ب ڤهگهرینیته عفرینێ بۆ هندێ ژیان ب نۆرمالى ل عفرینێ برێڤه بچیت و ههموو ئهو خێزانێن عفرین بجه هێلاى ب ڤهگهرنهڤه.
ئێك ژ سهرۆك خێزانێن ئێزدى ئاشكرا كریه، پۆلیسێن بیانى ل باژێرى بهرى چهند رۆژان خێزانا وى یا پیكهاتى ژ شهش ئهندامان گازى كریه و وهرگێرهك بۆ ئامادهكریه، داخواز ژێ كریه ژ توركیا دهركهڤن و ڤهگهرنه عهفرینێ ڤه، دا زانین ژى ئهفسهرێ توركى گۆتیه وى عهفرین ئیرۆ یا رزگاركریه و ههموو پێدڤیێن ژیانێ ل بهردهستن.
ژێدهرى رۆنكریه ژى كو ئهفسهرێ توركى ئهو خێزان ئاگههداركریه كو پۆلیسێن بیانى دێ خێزانێ ڤهگوهێزیت دهما رازى دبیت و دهما رهت دكهت دێ ب ناچارى و ل دهمهكێ دى وێ ڤهگهرینن و ڤهگوهاستن دێ ل سهر كیسێ خێزانێ بیت، بێ كو ئهفسهر وهختێ دیاركرى دهست نیشان بكهت.
تُتاح هذه الصورة أيضا في: کوردی