سینەما هۆنەرێ هەفتێ ل كوردستانێ
دەخیل جانۆ
سینەما كو كۆمكەرێ هەر شەش هۆنەرێن دی یا هاتیە پشت گوهـ هاڤێتن،ژبلی سینەما ژی بەشێن دی یێن هۆنەری ژی دتەنگاڤیێ و لاوازبوونێ داینە ، چ وەلات بێ سینەما پێش نەكەفتینە كو رێژەیەكا زۆر ژ وەلاتێن جیهانێ سینەما وان نوونەراتیا وان دكت دگەلەك بواران دا، ب هێزترین پەیام سینەما دگەهنێ و چارەسەركرنا بارودۆخێن دژوار و گرفتێن مەزن ب جوانترین رێیێن هۆنەری و ب تایبەتی لسەر پەردێن سینەمێن جیهانێ تێنە نمایشكرن.
هیڤیا مەیا مەزن ئەوە كو حكومەت و جیێن پەیوەندیدار پتر هۆنەری بەر چاڤ وەرگرن دڤی دەمی دا،ژ هەموو دەمان ئەم پتر پێتڤی ب وێ چەندێ نە كو پەیاما مە بگەهتە هەموو دنیایێ دا كەیس و ئێش و ئازارێن مللەتێ مە وەكو ئێزدی پتر لبەر چاڤێن دنیایێ نێزیك ببن هەر مللەتەكی كەلتۆر و دیرۆك رەوشەنبیری وشارستانیا خۆ لسەر وێ پەردا سینەمێ بەرامبەری خەلكێ نیشان ددەت.
تُتاح هذه الصورة أيضا في: کوردی