سائیروون ب سەرکەفت و پارتی ل سەر ئاستێ کوردستانێ ئێکەمە

سائیروون ب سەرکەفت و پارتی ل سەر ئاستێ کوردستانێ ئێکەمە
WAAR-دهۆك:

کۆمسیۆنا ھەلبژارتنان ل ئیراقێ ئەنجامێن داویێ یێن ھەلبژارتنێن پەرلەمانی راگەھاندن، ھەڤپەیمانییا سائیروون یا موقتەدا سەدری ل رێزا ئێکێ دھێت و ل سەر ئاستێ کوردستانێ ژی پارتی یا ئێکێ یە.
شڤێدی کۆمسیۆنا بلندا سەربخوەیا ھەلبژارتنان ل ئیراقێ داوی ئەنجامێن ھەلبژارتنێن پەرلەمانێ ئیراقێ راگەھاندن.
ل گۆرەی ئەنجامێن داویێ، لیستا سائیروون یا موقتەدا سەدر ب 54 کورسیان ل رێزا ئێکێ دھێت، لیستا فتح یا ھادی عامری ب 47 کورسیان ل پلا دووێ، لیستا نەسر یا حەیدەر عەبادی ب 42 کورسیان ل پلا سیێ دھێت و لیستا دەولەتا قانوونێ ب 26 کورسیان ل پلا چارێ دھێت.
ھەر ل گۆرەی ئەنجامێن داویێ، پارتی دیمۆکراتی کوردستان ب 25 کورسیان ل سەر ئاستێ ھەرێما کوردستانێ ل پلا ئێکێ یە کو دبیتە سەرکەفتییا پێنجێ ل سەر ئاستێ ئیراقێ.
د دووڤ دا ئێکەتییا نشتیمانی 18 کورسی، تەڤگەرا گۆڕان 5 کورسی، نەوەی نوێ 4، ھەر ئێک ژ ھەڤپەیمانی، کۆمەل و یەکگرتوو 2 کورسی.

تُتاح هذه الصورة أيضا في: کوردی