كهسێن تشتى گهلهك مهزن دكهن دڤێت سهرهدانا نوشدارێن دهروونى بكهن
نوش نیوز:
تایبەتمەندێ نەخۆشیێن دەروونێ ل دھۆکێ دیارکر کو خەمۆکی ژ ھەموو نەخۆشیین دى زێدەتر پەيدا دبیت ل سەرانسەری جیھانێ ھەر ١٧% ھەتا ٢٥% خەلک ل جیھانێ تووشی نەخۆشیا خەمۆکیێ دبن، ھێشتا چو ڤەکۆلین نەھاتینە کرن ھەتا بزانین ئاستی نوکە یێ خەمۆکیێ چەند يێ زێدهيه د ناڤ خەلکێ مە دا.
د. پەرجان ھاشم، تایبەتمەندێ نەخۆشیێن دەروونێ ل دھۆکێ بۆ نۆش نیوز دیارکر کو نێشانێن خەمۆکیێ ئەون مرۆڤ بێ گێول دبیت رۆژی ھەموويێ مرۆڤ یێ بێ زەوق و گێولە، يێ نەخۆشە نەیێ مورتاحه و زەوقی ب چو ڤه نابینيت و خەون و بەرنامێ وێ خوارنێ تێک دچن و کێشا لاشی دھێتە خوارێ و نەشێت کارێن خوه یێن رۆژانه ئەنجام بدەت و ھزرا وێ تێک دچیت و تشتان زوو ژ بیر دکەت و مرۆڤ زوو تورە دبیت، تشتێ بچووک دێ گەلەک مەزن کەت د سەری خوە دا و مرۆڤ دەمێ تووشی خەمۆکيێ دبیت، یێ رەشبینه و پاشەرۆژا خوە گەلەک گەش نابینيت و ھزرێن نەخۆش ل دەف پەيدا دبن و ھزرێن مرنێ پەيدا دبن و ھەولێن خوە کوشتی ددەت ئەڤە ھەموو ژ ئەگەرێ خەمۆکیێ دروست دبيت.
ئاشکەرا کر کو ھەر ٢٥% ژ مرۆڤان د ژیێ خوە دا تووشی خەمۆکیێ دبن و گەلەک جۆرێن چارەسەریێ ھەنە، ل دەستپێکێ ئەم دێ تەماشەی جۆرێ خەمۆکیێ کەن کا چ ئاستی دایە ھەکەر خەمۆکیا سڤیل بیت ب چارەسەریا دەروونی ب رێيا روونشتنێن دەروونی نەخۆش دھێتە چارەسەرکرن ھەکەر خەمۆکی یا ناوەند بیت چارەسەریا دەروونی ل گەل دەرمانیێن دژی خەمۆکیێ بۆ نەخۆشی دھێنە دابینکرن ھەتا چارەسەر دبیت و ھەکەر خەمۆکی یا توند بیت و ھزرێن خوەکوشتا مرۆڤی نەخۆش بکەت ل ڤێدەر چارەسەریا فیزیکی دھێتە دانان.
تُتاح هذه الصورة أيضا في: کوردی