دهۆك.. ل كهمپا خانكێ پێنچ خیڤهت سۆتن و كچهك بوو قوربانى
باسنيوز:
پهیڤدارێ رێڤهبهریا بهرهڤانیا باژێرى ل پارێزگهها دهۆكێ راگههاند، بهرى دهمهكێ كێم، ل كهمپ خانكێ پێنچ خیڤهتێن ئاوارهیان سۆتن و تێدا كچهكا 16 سالى جانێ خوه ژ دهست دا.
رائید بێوار عهبدولعهزیز، پهیڤدارێ رێڤهبهریا بهرهڤانیا باژێرى ل پارێزگهها دهۆكێ بۆ (باسنیوز) دیار كر، بهرى دهمهكێ كێم، ل گۆرهى پێشبینیان ژ ئهگهرێ شۆرتهكێ كارهبێ، ل كهمپا خانكێ ئاگر بهربوو خیڤهتهكا ئاوارهیان و پشتى هینگى چوار خیڤهتێن دى ژى ئاگر گههشتێ و د ئهنجام دا پێنچ خیڤهت ب كهلوپهل ڤه تمامى هاتنه سۆتن و ژ ئهنجامێ ڤى ئاگرى كچهكا 16 سالى ژى هاته سۆتن و گیانێ خوه ژ دهست دا.
ئاشكرا ژى كر كو ئاگر ژ لایێ تیمێن بهرهڤانیا باژێرى ڤه هاته كۆنترۆلكرن و تهرمێ وێ كچێ ژى بۆ نۆژداریا داد هاته رهوانهكرن بۆ پشكنینێ.
تُتاح هذه الصورة أيضا في: کوردی