دایكا فەرمانا
سلتان حەجی حەسەن
دیسا هات 3ی تەباخێ
هێمایا بن دەستیێ، مال وێرانیێ
دیسا هات رۆژا قیامەتێ
برن غەزالێت شنگالێ
دایێ
دیسا دەم خات
توو كەتیە عەزابێ
هەرۆ دمری
خەوكا چاڤێت تەنایێ
دیسا نەما مرۆڤاتی
كەس ب مەڤە نایێ
رەبەنێ دایێ
دایكا من
وێ دبێژنە من زارۆكێت ئێتیم
بلا بەس دایكا تە رۆندكا ب رژینێ
هەردوو رووكان ب قەلشینێ
پۆرێ ژ سەری ب وەشینێ
دایكا منێ
ئەڤ نە فەرمانا یەكێیە نە حەز تینێ
هەر دەورانەكێ خودێ نە ناسن
ڤێ بسەرێ مە تینێ
گریا تە دایێ
دلێ من تیشینێ
جەگەرا من دپەرتینێ
كێفا دوژمن پتر تینێ
دێ دایكێ بەسە نەكە گری
گرییا تە دایێ
نە كەچ، نە زارۆك، نە پیر، نە تەفال، و نە گەنجان ڤەدگەرینێ
نە پۆرا توو هەلدكێشی
و نە كەزەبا توو د شەوتینیی
تۆلا زاڤا و بووكێت سالێ
ژ دوژمنا دستینێ
نە هاوار هاوارا تە دچە بەر ب ئاسمانا وژدانێ مرۆڤاتیێ دلڤینێ
نە شەڤێت درێژ
و نە هزرێت تە یێت ب هێز
خێلیێت ڕەش
ژ سەرێت كەچا دەرتینێ
نە لۆرین و قوتینا تە
هەستیكێت ل چۆلا مایین
ساغ دكە و ژ نوو دمەشینێ
ل بەختێ تەمە دل برینێ
بەس ڤەكێشە غەمگینیێ
بزانە و ژبیر مەكە دایێ
هەتا مابن گەلیێ كەرسێ
قوبێت لالشێ
هەتا مابێ پشتا ئێزدیخانێ
گەلی و چیایێ شنگالێ
ناڤێ مە وێ مینێ
هەتا مابن كەچ و كورێت رۆژێ
نەڤیێت فەرمانێ
ئەمێ مینن ل مەیدانا بەرخودانێ
ژبیر ناكن
نە خاینتیێ
نە كۆمكوژیێ
نە كەچ و بووكێت چۆین ب دارێ زۆرێ
ئەمێ حەیفا ڤان بارگرانا راكن، هەلگرن، هەلینن، دایێ بلا پاشی ئەم بچن، نەمینن، باربكن، ژ ڤێ دنیایێ ژ ڤێ دنیایێ
تُتاح هذه الصورة أيضا في: کوردی