پیرۆزیا موزیكێ دئایینێ ئێزدیان دا
تۆرا لالش یا راگههاندنێ/خێرهات بێدرڤان 
موزیكێ پیرۆزیەكا تایبەت دناڤ ئایینێ ئێزدیان دا هەیە ب تایبەت دەف و شبابا،ژبەركو كەڤناتیا وێ ڤەدگەرتە سەردەمێ هەبوونا ئادەم دا و ژبەر پیرۆزیا وان ل دەمێ كەسێن ئێزدی مینا مجێور یان زەلامێ ئایینی یان كەسەكی گەنج دمرت دەف و شبابا یان دهۆل وزرنا دئیننە سەر تربا وان.
لدۆر پیرۆزیا موزیكێ مجیۆرا مەزارگەهێ مەم شڤان ل كۆمەلگەها خانكێ(دای خەزار)دبێژت:ژبەر پیرۆزیا موزیكێ ل دەمێ مرنێ ژی موزیكا دەف وشباب یان دهۆل و زرنا دئیننە سەر مریان،لێ بارا پتر دهۆل و زرنایێ دئینن سەر وان گەنجا ئەگەر گەنجەك بمرت وئەم دبێژنە دەف وشبابا شازێ ئێزی و ئەڤ ئالەتە ب ئالاتێن پیرۆز دناڤ مە ئێزدیان دا دئێنە ناسكرن.
هۆنەرمەند(بەدەل شەمسانی)لێخەرێ سازێ یە دیاركر، ژ زارۆكینا خۆ حەزا موزیكێ هەبوویە من خۆ فێری ئامیرێ سازێ كریە و پیرۆزیا موزیكێ ب گیانێ مرۆڤی ڤە یا گرێداییە،لەوما حەزا لێدانا ئامیرێ سازێ ل نك من پەیدابوو ژبلی ڤی ئامیری چەند ئامیرێن دی یێن موزیكێ دژەنم مینا(جمبش،بلویر، عود و ئۆرگێ)،لێ ژبەركو سازێ ئەز دایمە دیاركرن و كەسایەتیا من بەرچاڤ كریە گرنگیەكا زێدە د دەمێ ،نەخاسمە سازێ ژی پیرۆزیا خۆ دناڤ ئایینێ ئێزدیان دا هەیە.
هەروەسا هۆنەرمەند(ئەیاد بیبو)گۆت:موزیك پیرۆزترین تشتە ئەز وەك دەیكەكێ بۆ خۆ ددانێم و رۆژانە ئالەتێن موزیكێ دگەل منن و هەول ددەم پتر گەنجێن ئێزدیا فێری موزیكێ بكەم،لەوا من خۆلەك بۆ چەندین زارۆكێن قوتابی ڤەكر و سەركەفتنەكا باش ئینا،نهۆ ژی هندی بكارم گەنجا هان ددەم فێری كارێ لێدانا موزیكێ ببن.
ژبال خۆڤە(شكری رەشید)وەك رەوشەنبیرەك خویاكر،دناڤا ئایینێ ئێزدیان دا پیرۆزیەكا تایبەت دەنە موزیكێ تایبەت دەف و شبابا و دناڤ چەندین جەژن و هەلكەفتێن مەدا دئێتە لێدان،ب تایبەت جەژنا جەمایێ و دەمێ سەما لبەر دئێتە كێشان،دیسان كەڤناتیا وێ هەر وەكو دتێكستێن ئایینی دا دیار ڤەدگەرتە سەردەمێ هەبوونا ئادەم دا،هەر ژبەر پیرۆزیا وان ل دەمێ هندەك كەسێن ئێزدی مینا مجێور یان زەلامێ ئایینی یان كەسەكی گەنج دمرت دەف و شبابا یان دهۆل وزرنا دئیننە سەر تربا ویە،تەكەزكر یا گرنكە ل ناڤ قوتابخانا گرنگی ب موزیكێ بێتە دان و خۆلێن تایبەت بۆ گەنجان بێنە دانان و ڤەكرن،داكو پتر بكارن گرنگیێ ب موزیكێ بدەن.
تُتاح هذه الصورة أيضا في: کوردی