زێباری: بریارا پەرلەمانێ عێراقێ دەربارەی هەلبژارتنان كار پێ نائێته كرن
باسنيوز:
هۆشیار زێباری ئەندامی مەكتەبی سیاسیی پارتی رایگەیاند بڕیارەكەی ئەمڕۆی پەرلەمانی عێراق لەبارەی هەڵبژاردنەكانی پەرلەمانەوە كاری پێناكرێت. گوتیشی سەرۆكە دۆڕاوەكەی پەرلەمانی عێراق و حكوومەت هاوئاوازن و عێراق بەرەو نادیار دەبەن.
ئێوارەی ئەمڕۆ دووشەممە زێباری لە هەژماری خۆیدا لە تۆڕی كۆمەڵایەتی (فەیسبووك) نووسیویەتی “بڕیاری ئەمڕۆی ئەنجوومەنی نوێنەرانی عێراق لەبارەی ئەنجامەكانی هەڵبژاردنەكان كاری پێناكرێ، هەروەها دەبێتە هۆی زیادكردنی نیگەرانی سیاسی لە وڵاتەكەدا”.
هەروەها نووسیویەتی “هاوئاوازییەك لە نێوان سەرۆكی دۆڕاوی پەرلەمان و حكوومەتی عێراق هەیە، بۆ ئەوەی وڵاتەكە بەرەو نادیار بەرن، تەنهاش پاڵنەری خۆپەرستانە و بەرژەوەندی تایبەتیان هەیە”.
زێباری نووسیویەتی پێشتر لەمبارەیەوە هۆشداریمان داوە، ئێستە پێویستە هەموو لایەك بەدانایی و عەقڵانی هەڵسوكەوت بكەن و پابەند بن بەیاسا و دەستوور، گەلیش سەرچاوەی هەموو دەسەڵاتەكانە.
ئەمڕۆ پەرلەمانی ماوەبەسەرچووی عێراق لە كۆبوونەوەیەكدا چەند بڕیارێكی لەبارەی رەتكردنەوەی دەنگەكانی دەرەوە و ئاوارەكانی چوار پارێزگای عێراق دەركرد، لەگەڵ ژماردنەوەی 10%ی دەنگەكانی سەرجەم پارێزگاكانی عێراق.
تُتاح هذه الصورة أيضا في: کوردی