حكومەتا عێراقێ پێتڤیێن ساخلەمیێ بۆ شنگالێ دابین ناكت
تۆرا لالش یا راگەهاندنێ
رێڤەبەرێ بنگەهیێ ساخلەمیێ ل دەڤەرا شەرفەدین ل چیایێ شنگالێ ئاشكەراكر،حكومەتا عێراقێ شنگال پشتگوهاڤێتیە و پێتڤیێن ساخلەمیێ بۆ مووسلێ و چەند باژاركێن دی دابین دكت.
(شەمۆ رەشۆ) بۆ رۆژناما دەنگێ لالش راگەهاند،حكومەتا عێراقێ شنگال یا دۆرپێچ كری و رێ گرتیە كو خەلك و نەخۆش قەستا دهۆكێ بكن و بوویە ئەگەرێ نەگەهاندنا هاریكاریا بۆ خەلكێ و ژبەر نەبوونا دەرمانا و نۆژدارا نەخۆش بۆ چارەسەریێ دچنە مووسل و تلەعفەر و ژیانا وان دمەترسیێ دایە و گۆت:((هەتا نهۆ چوو پێشڤەچۆنەك ژ ئالیێ ساخلەمیێ ڤە ل شنگال چێ نەبوویە و حكومەتا عێراقێ شنگال پشتگوهاڤێتیە و چ تشت بۆ خەلكێ نەكریە،لێ ئەگەر ئەم باژارێن دی ببینن وەك تلەعفەر و مووسل و بەعاج و بلێج ئەم مەندەهۆش دبن ژبەركو هەر تشت لێ هەیە و ب تایبەت پێتڤێن ساخلەمیێ)).
رەشۆ دیاركر ژی هیڤیدارن رێیا شنگال بۆ دهۆكێ بێتە ڤەكرن،داكو خەلك بێ ترس هاتن و چۆنێ بكت هەر چەندە پێشمەرگەی ژ ئالیێ خۆ ڤە ریێ ڤەكریە لێ سوپایێ عێراقێ ڤەناكت،دخوازین ب زوترین دەم ئەڤ ئاریشە بێتە چارەسەركرن دا خەلك بكارن ڤەگەرنە سەر مالێن خۆ ڤە.
تُتاح هذه الصورة أيضا في: کوردی