كەڤالێن وێ لدۆر نەخۆشی و دەردەسەریێن ئێزدیانە
تۆرا لالش یا راگەهاندنێ
شێوەكارەكا كچا ئێزدی دیاركر،ئەو كەڤالێن ل دەستپێكێ من چێكرین ناڤەرۆكا وان لدۆر سروشتێ دەڤەرا شنگالێ بوون،لێ پشتی فەرمانا شنگالێ و ئەو نەخۆشی و دەردەسەریێن بسەر خەلكێ مە دا هاتین بوونە هێڤێنێن كەڤالێن من،هەتا نهۆ پتر ژ( 40)كەڤالان لسەر فەرمانێ چێكرینە.
شێوەكارا كچا ئێزدی(ئەحلام خەلەف) خەلكا شنگالێ یە و نهۆ ل كەمپا دەركارێ ئاكنجی یە،بۆ رۆژناما دەنگێ لالش راگەهاند،دەمێ ئەز قوتابی حەزا چێكرنا وێنا ل نك من پەیدابوو،ل وی دەمی وێنە بۆ هەڤالێن خۆ چێدكرن و لگەل مەزنبوونا من ئەو حەز ژی بەردەوام مەزن دبوو هەتا گەهشتیە وی رادەی من دەست ب چێكرنا كەڤالان كر،ئەو كەڤالێن من ل دەستپێكێ چێكرین ناڤەرۆكا وان ل دۆر سروشتێ دەڤەرا شنگالێ بوون،لێ پشتی فەرمانا شنگالێ و ئەو نەخۆشی و دەردەسەریێن بسەر خەلكێ دەڤەرا شنگالێ دا هاتین بوونە هێڤێنێن كەڤالێن من و هەتا نهۆ پتر ژ (40)كەڤالان لدۆر فەرمانێ چێكرینە.
ئەحلامێ زێدەتر گۆت:هەتا نهۆ دوو پێشانگەهێن شێوەكاری ڤەكرینە،یا ئێكێ ل وەلاتێ ئەمریكا،یا دی دناڤ كەمپا دەركارێ دا بوو،ئەگەر هاریكاریا من بێتە كرن دێ پێشانگەهێن مەزنتر ڤەكەم و بەردەوامم لسەر كارێ خۆ و هیڤیا من ئەوە ل پاشەرۆژێ دا ببمە شێوەكارەكا بەرنیاس.
تُتاح هذه الصورة أيضا في: کوردی