پارتی دیموكراتی كوردستان گهۆرینەك مەزن ل دەڤەرا بادینان پەیداكر
جوان عزەت 
پشتی پەیدابوونا كێشەیێن ئابووری درێژبوونا قەیران و پرسێن ناڤخۆیا هەرێمێ، ئێدی خەلك كەفتە دبن بارێن نالەبارتر دا،چنكو ڤان بوویەران هەست و هزرێن خەلكەكی بۆ پرۆسێسێن كو هاتنە ئەنجام دان بەرەف ئاقارێ لاوازی بێ هیڤیبوونێ برن،ژبەر ڤێ یەكێ ژی وەلاتیێن هەرێمێ دەربرین ژ پرسێن ناڤخۆییا خۆ دكر،ئەرێ گەلۆ هەتا كەنگی دێ دناڤ ڤان كێشە و ئالۆزیان دا بەردەوام بین؟ یان تا كەنگی دێ دروشمێ بلند هەلگرتنا ئالا و دەولەتێ لسەر سەرێ كوردستانێ بلند راگرین! واتە مرۆڤ ب ڤان پرسان ڤە مژوول ببوون.
ل ڤێدەرێ ئەوا من دڤێت دڤێ نڤیسارێ دا بگەهینمە خووندەڤانان ئەرێ دڤان هەلبژارتنان دا چ تشتەك نوو پەیدا بوو دناڤ كۆمەلگەهێ دا؟ یان ئەڤ پرۆسسە چەند بوو ئەگەرێ باوەرپێكرنا خەلكێ هەرێمێ! پشتی بۆرینا هەفتیەكێ لسەر بانگەشە و ئەنجام دانا پرسا هەلبژارتنێن پەرلەمانێ عێراقێ ، خەلك ب ئاوایەكی جودابوونێ بەرێ خۆ د دا ڤێ پرسێ، رەنگە ئەڤە ژی بۆ وان ببوو جیێ ئێدمانەكا كەسوكی یا ڤەگر، چنكو هەر كەسی لگۆر هزرو نێرینێن خۆ ڤەژەنا چەندین گهۆرینێن سەرتاسەری دكرن، ژبەركو ئەو سەر پێهاتێن دكەڤن دا كەفتینە لبەر دەرازینكا گەلێ كورد دا ، ئێدی مرۆڤێ كورد ب چاڤەكی رەشبین تەماشەی ژیانێ دكر، ژ ئالیەكی دی ڤە درێژبوونا ماوێ قەیران و پرسا ئابووری، سیاسی خەلك بەرەف كوچكا ئاگری ڤە چوو، لەورا ئێدی پرسێن ناڤمالی ژی بەرەف هێزا ئۆپزسیۆن و دابرنا دەستهەلاتێ چۆن.
بەلێ ب هزرا من ئەڤێ پرۆسێ كاری سەركەفتنەكا ئێكجار مەزن ب دەست خۆڤە بینت ب تایبەتی پارتی دیموكراتی كوردستان گهۆرینەك مەزن ل دەڤەرا بادینان دا پەیداكر،ئەڤێ چەندێ ژی رەنگەكێ دیتر دانەخشاندن،بەلێ پرسا گرنگ ئەو بوو ئەرێ بۆچی ل دەڤەرا شنگالێ چ بەربژێر ل ژێرناڤێ كارەسات و جینۆساید ناساندنا گەلێ ئێزدی نەهاتن دەست ب كاركرن و هەلبژارتن؟ دیارە ئەڤێ چەندێ هندەك ژ وارگەهێ قركرنا گەلێ ئێزدی بەرەف باهوزەكی دی بربوو،ژبەر ڤێ یەكێ تەڤگەرێن كو دخواست نوونەراتیا گەلێ ئێزدی بكن، دبت چۆنا وان بۆ وێ جڤاتێ نەهاتبوو خووندن.
پرسێن ئێزدی دخوازنە هزرەك كورتر، ئەو ژی ئەوە كو ژ ڤی ئەنجامی بێ ئیرادە نەبن،چنكو گەلێ ئێزدی هەردەم ب سایا ئەڤێ دەستهەلاتێ كاریە نوونەراتیا خۆ بكت و خۆ ژ ئەوێ نەهامەتیا كو ب سالانە د پەرگالا وێ دا هاتیە دورپێچكری بدەنە ئالێ هەبوونەكا كەمالی،لەورا تشتێ كو گرنگ د پەیابوونا ڤێ چەندێ دا ئەوە بەربژێرێن سەركەفتی هەموو ب ئێك دەست و ب ئێك دەنگ قەستا چۆنا پەرلەمانێ عێراقێ بكن،ژبۆ دەستڤەئینا مافێن گەلێ كورد ب گشتی.
تُتاح هذه الصورة أيضا في: کوردی