ئیراق و تورکیا دێ ل دۆر ئاڤا دیجلەی کۆم بن
WAAR-دهۆك:
وەزیرێ ژێدەرێن ئاڤێ یێ ئیراقی راگەھاند؛ حکومەتا تورکیا دەست ب پڕکرنا بەنداڤا ئەلیسۆ ل سەر رووبارێ دیجلەی کرییە و وێ یەکێ ئاستێ ئاڤا وی رووباری ل ئیراقێ کێم کرییە.
حەسەن جەنابی د داخویانیەکا رۆژنامەڤانی دا راگەھاند؛ ئیراق و تورکیا رێککەفتن ل سەر بەھرا ئاڤێ ھەیە و ئەو رێککەفتن تا مەھا چریا دووێ دێ بەردەوام بیت.
جەنابی راگەھاند ژی؛ بەرپرسێن ئیراقی دێ د گەل حکومەتا تورکیا ل مەھا چریا دووێ یا بھێت ل باژارێ مووسلێ کۆم بن و پێشھاتەیێن نوو گۆتوبێژ کەن.
بەری 2 رۆژان کارتێکرنا بەنداڤا ئەلیسۆ ل سەر رووبارێ دیجلەی ل ئالیێ تورکیا ل سەر ئاستێ ئاڤا وی رووباری ل بەغدا و مووسلێ دیار بووینە، وێ یەکێ ژی ترسەک ل نک خەلکێ وان باژاران پەیدا کرییە.
حەفتییا بۆری شارەزایەکێ سیاسەتا ئاڤێ یا تورکیا راگەھاند بوو؛ پێدڤییە ئیراق پەترۆلێ ل شوونا ئاڤێ بدەتە تورکیا و ئەو یەک بوویە دیفاکتۆ.
تُتاح هذه الصورة أيضا في: کوردی