قاسم شەشۆ: رەنگە ململانا حەشدا شەعبی ل شنگال بگەهتە ئاستێ شەری
باسنيوز:
فەرماندێ پێشمەرگەی ل قەزا شنگال دیاركر:” نۆكە شنگال یا بوویە مەیدانا هەڤركی وململانا سیاسی دناڤبەرا حەشدا شەعبی وپەكەكێ و هێزێن ئێزدی ورەنگە ئەڤ ململانا حەشدا شەعبی بگەهتە ئاستێ شەری ل دەڤەرێ.
قاسم شەشۆ، فەرماندێ فەرماندەیا شنگال یا پێشمەرگەی كوردستانێ بۆ(باسنیوز)دیاركر:” مانا حەشدا شەعبی ل شنگال خەلك بێزاركریە. نۆكە شنگال یا بوویە مەیدانا هەڤركی دناڤبەرا حەشدا شەعبی وپەكەكێ و هێزێن ئێزدی دا ل دەڤەرێ. هەر ئێك بخوە ل گۆر بەرژوەندیا لایەنێ خوە كاردكەت رەنگە ئەڤ ململانا حەشدا شەعبی ل شنگال بگەهتە ئاستێ مالوێرانیەكا دی وشەری ل شنگال دروست بكەت. ئەڤە قەدەرا خەلكێ شنگالێ یە. حكومەتا عێراقی نەڤێت رەوشا شنگال خۆش بیت، خوە بێدەنگ دكەت ل سەر پێشێلكاریێن نۆكە ل شنگال دهێنە ئەنجامدان”.
خویا ژی كر:” ئەم پێشبینی دكەن شەر جارەكا دی ل شنگال رووبدەت ژبەر حەشدا شەعبی وپەكەكێ. ئەڤ هەردوو گرۆپ وهێزێن چەكدار یێن بووینە بەلا سەرێ خەلكێ شنگال. داخازێ دكەین دەولەتێن جیهانێ چاڤ ودەستێن خوە ژ شنگال نەگرن وپەكەكێ و حەشدا شەعبی دەربێخن”.
تُتاح هذه الصورة أيضا في: کوردی