یلدرم: مە 11 بنگەھێن سەربازی ل ناڤا ھەرێمێ ھەنە
WAAR-دهۆك:
سەرۆکوەزیرێن تورکیا راگەھاند؛ سوپایێ وەلاتێ وی 11 بنگەھێن سەربازی ل ھەرێما کوردستانێ ھەنە و ھژمارا سەربازێن خوە ل ھەرێمێ دوجاران ھند زێدەکرینە.
بینالی یلدرم د داخویانیەکا رۆژنامەڤانی دا راگەھاند، ئارمانجا ئۆپەراسیۆنێن سەربازی یێن سوپایێ تورکیا ڤێ داویێ ل ناڤا ھەرێما کوردستانێ کرین، ژناڤبرنا گەفێن پەکەکێ یە بەری بگەھنە سنۆرێن تورکیا.
یلدرم ئاشکرا کر، وان ھژمارا سەربازێن خوە ل ھەرێمێ دوجاران ھند زێدە کرینە، 11 بنگەھێن سەربازی ژی ل ناڤا ھەرێمێ داناینە و گۆت؛ ئارمانجا وان ژناڤبرنا پەکەکێ یە بەری بگەھنە سنۆرێن وەلاتێ وان.
سوپایێ تورکیا دەستپێکا مەھا ئادارا بۆری ئۆپەراسیۆنەک ل ناڤا سنۆرێن ھەرێما کوردستانێ دژی گەریلایین پەکەکێ دەست پێ کرییە، ل گۆرەی گۆتنا بەرپرسێن تورکیا ژی تا نھا ب کووراتییا 27 کیلۆمەتران سوپایێ وان کەفتیە ناڤا ھەرێمێ.
تُتاح هذه الصورة أيضا في: کوردی