كچهك و ژنهكا ئێزدى ژ دهستێ داعش هاتنه رزگاركرن
دهۆک-KDP.info-
رێڤەبەرێ نڤیسینگەها رزگارکرنا رەڤاندیێن کوردێن ئیزیدى راگەهاند، کچەکا 13 سالى و ژنەکا 22 سالى ل گۆندەکى سەر وەلاتێ سوریاڤە ژدەستێ تیرۆرستێ داعشێ هاتنە رزگارکرن و تا نوکە پتر ژ (3300) کوردێن ئیزیدى ژ هەر دوو رەگەزا دناڤبەرا (6714) رەڤاندیاندا هاتینە رزگارکرن.
ل سپێدەهیا ئەڤرۆ 10-6-2018ێ، رێڤەبەریا نڤیسینگەها رزگارکرنا رەڤاندیێن کوردێن ئیزیدى کچەکا بچوویک و ژنەک ل گۆندەکى سەر وەلاتێ سوریاڤە ژدەستێ تیرۆرستێ داعشێ رزگارکرن، کۆ ل 3-8-2014ێ، دگەل خێزانێن خو ل دەڤەرا شنگالێ ژلایێ تیرۆرستێن داعشێ ڤە هاتبوونە رەڤاندن.
حسین قائیدى، رێڤەبەرێ نڤیسینگەها رزگارکرنا رەڤاندیێن کوردێن ئیزیدى بۆ مالپەرێ فەرمیێ پارتى دیموکراتى کوردستان گۆت:” نڤیسینگەها رزگارکرنا رەڤاندیێن کوردێن ئیزیدى شیان ژنەک ب ناڤێ (ه.ن) دژیێ 22 سالێدا و خەلکا دەڤەرا تل قەسەب و کچەک ب ناڤێ (ح) ژدایکبوویا گوند صولاغ دژیێ 13 سالێدا ژدەستێ تیرۆرستێن داعشێ رزگار بکەین”.
حسین قائیدى ئاماژەدا:” لگۆر ئامارا نڤیسینگەها رزگارکرنا رەڤاندیێن کوردێن ئیزیدى و رێڤەبەریا گشتییا کارۆبارێن ئیزیدیان تا نوکە پتر ژ (3300) کوردێن ئیزیدى ژ هەر دوو رەگەزا دناڤبەرا (6714) رەڤاندیاندا هاتینە رزگار کرن”.
قائیدى دیارکر:” د چەند دەمژمێرێن داهاتیدا دێ رزگاربوویى گەهنە هەرێما کوردستانێ دناڤ کەس و کارێن خودا ل کەمپا خانکێ و کەمپا کبرتو ل پارێزگەها دهۆکێ”.
هەلز عەلى سەلیم
تُتاح هذه الصورة أيضا في: کوردی