نڤيسينگههێن لالش ل خهتارێ سمينارهك بۆ نڤيسكار”مهحهمهد گڤارى” گێرا
تۆرا لالش يا راگههاندنێ
ئيرۆ دووشهمبوويێ12حوزهيرانا 2018ێ نڤيسينگههێن لالش خهتارێ 1 و 2سمينارهك لدۆر پهرتۆكێن(رۆژا رهش_لهيلا و شهڤێن ب ئازار) بۆ نڤيسكار”مهحهمهد گڤارى” گێرا،ب ئامادهبوونا ژمارهكا كهسايهتيێن جڤاكى و رهوشهنبيرو مامۆستايان.
ل دهستپێكا سمينارێ بهرێز”غانم شهمۆ” بهرپرسێ نڤيسينگهها لالش خهتارێ 1 بخێرهاتنا مێڤانان كر،لدووڤ دا نڤيسكار “مهحهمهد گڤارى” دهست ب سمينارا خۆ كر و ئاماژه دا چاوانيا وهرگێرانا پهرتۆكا لهيلا و شهڤێن ب ئازار يا نڤيسكار خالد تهعلۆ و پهرتۆكا رۆژا رهش يا نڤيسكار نادر دۆغاتى ژ زمانێ ئهرهبى بۆ زمانێ كوردى يا كورمانجى.
گڤارى رۆنكر: “پرۆسا وهرگێرانێ يا ب زهحمهت بوو كو پهرتۆكا رۆژا رهش ب شێوهيهكى بهرفره بهحسێ هێرشا رێكخراوا دهولهتا ئيسلامى(داعش)لسهر ئێزديان كريه و پهرتۆكا لهيلا و شهڤێن ب ئازار نڤيسكارى چيرۆكا رزگاربووى لهيلا تهعلۆ بهحس كريه كو چيرۆكهكا راستا تراژيديه و رزگاربوويێن ئێزدى شهرهفا مرۆڤايهتيێ نه و سهر مه ههموويان هاريكاريان پێشكێشى وان بكهين”.
ژلايهكى دى ڤه گڤارى دووپاتكر: “ئێزدى د درێژاهيا ديرۆكى دا تووشى 74ههوێن كۆمكوژيێ بووينه ب ئهگهرێن جودا جودا، و ئێزدى دووباره تووشى هێرشان بوون ژ رێكخراوا داعش ب پهقينان و كريارێن كوشتنێ دژى وان ل عێراقێ هاتن ئهنجام دان،كهفتنا مووسل و كۆنترۆلكرنا دهڤهرهكا بهفرهها عێراقێ و كهفتنا باژێرێ شنگالێ يێ ئێزديان ب دهستێ تيرۆرستێن داعشێ ب دههان هاتنه كوشتن و كهنيزهكرنا ژمارهكا مهزن ژ ژن و زارۆكان و كۆچكرنا ب ههزاران ژ ئێزديان ژ باژار و گوندێن خۆ و رهڤين ژ بن دهستێ رێكخراوا داعش”.
ل داويا سمينارێ گهنگهشه دناڤبهرا ئامادهبوويان و سميناربێژى دا لدۆر بابهتى هاته كرن.
تُتاح هذه الصورة أيضا في: کوردی