تيمهكا ڤهكۆلینێ لسهر تاوانێن تیرۆرستێن داعش هاته پێك ئینان
باسنيوز:
ئاخڤتنگهرێ لیژنا بلندا ناساندنا جینوسایدا كوردێن ئێزدى ل ههرێما كوردستانێ دیاركر ل دهستپێكا مهها بهێت دێ لیژنهك ژ یوئێن گههته عێراقى بۆ دهستپێكرنا ڤهكۆلینى ل سهر تاوانیێن تیرۆرستێن داعش دژى خهلكێ سڤیل ئهنجامداین.
حسێن قاسم حهسون، ئاخڤتنگهرێ لیژنا بلندا ناساندنا جینوسایدا كوردێن ئێزدى و پێكهاتیێن دێ ل ههرێما كوردستانێ بۆ(باسنیوز) دیاركر: ” سكرتیرى گشتیى یێ نهتهوهیێن ئێكگرتى بریاردایه ل ههیڤا بهێت 1/7/2018 دهست ب ڤهكۆلینى بكهن ل سهر وان تاوانیێن هۆڤانه یێن تیرۆرستێن داعش ژى وهلاتیان ل عێراقى و ههرێما كوردستانێ ئهنجامداین دێ ( كهریم ئهسعهد ئهحمهدخانه) سهرۆكاتیا لیژنا ڤهكۆلینا یوئین كهت ئهڤه كهسێ هاتیه دهست نێشانكرن ب رهگهز پاكستانێ یه دێ كارى ڤهكۆلینى لسهر تاوانیێن تیرۆرستان كهت”.
ئاشكرا كركو بریارا یوئین پێنگاڤهكا گهلهك باشه بۆ رێڤهچوونا دوسییهیا جینوسایدا بتایبهتى جینوسایدا كوردێن ئێزدى ل 3/8/2014 ل قهزا شنگال تیرۆرستێن داعش ب شیوهیهكێ هوڤانه هیرشى سهر خهلكێ سڤیل كرن ههتا نوكه ژى زێدهتر ژ 60 گۆرێن ب كۆم ل شنگال یێن هاتینه دیتن روڤاتیێن هزارهها كهسێن ئێزدى دناڤدانه ئهم دێ ههموو بهلگهنامه پێشكیشى وێ لیژنى كهن دێ ههڤكاریا وێ ژى كهین بۆ ڤهكۆلینى لسهر تاوانێن تیرۆرستێن داعش.
حسێن قاسم حهسون ئهوژى دیاركر: “لیژنا بالا یا ناساندنا جینوسایدى ل ههرێمى دێ ههموو ههڤكارى وبهلگهنامه و دیكومینتا پێشكیشى لیژنا نهتهوهیێن ئیكگرتى كهت وپێك ئینانا لیژنهكا تایبهت بۆ ڤهكۆلینێ لسهر تاوانیێن تیرۆرستێن داعش ههنگاوهكا باشه چونكو دێ تیرۆرستێن داعش هێنه دادگههكرن، سهرۆكێ حكومهتا ههرێما كوردستانێ (نیچیرڤان بارزانى) ههر رۆژا ئێكى یا روودانا ڤان تاوانیێن هوڤانه ئهڤ كهیسه وهكو كهیسهكا نێڤدهولهتى دانایه پێدڤیه ڤهكۆلین وبریار ب شیوهیهكێ نێڤدهولهتى لسهر تاوانیێن تیرۆرستێن داعش بهێنه دان”.
گۆتژی: “گهلهك جاران مه ههولدان كرن حكومهتا عێراقى دگهل دادگهها لاهاى كار لسهر تاوانیێن تیرۆرستێن داعش ئهنجام بدهت مخابن حكومهتا عێراقى هیچ بهرسڤهك ژى نهدایه مهیه وكار ل سهر تاوانیێن تیرۆرستان نهكریه”.
حسێن قاسم حهسون گۆت: “دهمێ لیژنا ڤهكۆلینى دگههته عێراقى ژى ئهم دێ دان وستاندنێ گهل ئهنجام دهن ههتا بزانێن ب چ شیوهیهك ئهو دێ گهل مه كار كهن بۆ پێدانا بهلگهنامه و دیكومینت بۆ ڤهكۆلینى ل سهر تاوانیێن تیرۆرستان ب شیوهیهكێ یاسایى دێ هاریكاریا وان كهین”.
خۆیا ژى كر: “حكومهتا ههرێما كوردستانێ كارهكێ گهلهك مهزن لسهر گۆرێن بكۆم و دێدهڤانان كریه ههموو دێدهڤانیێن تاوانیێن تیرۆرستێن داعش ل كهمپێن ئاوارانه ههرێما كوردستانێ ئهڤه زێدهتر ژ سێ سال و نێڤ حكومهتا ههرێما كوردستانێ ل سهر كهیسا جینوسایدى و كۆمكرنا بهلگهنامه و دیكومینت كاردكهت لهورا زۆر یا گرنگه حكومهتا ههرێمى رۆلهكێ مهزن ب حكومهتا ههرێما كوردستانێ بهێته دان كهیسا جینوسایدا”.
ل دوایى ژى حسین قاسم حهسون دیاركر: “مه پێ باش بوو نهتهوهیێن ئیكگرتى ڤێ كهیسى رهوانهى دادگهها تاوانیێن نێڤدهولهتى بكهت ل لاهاى چونكو پسپۆرێن ڤێ كهیسى دشێن ل گهل ههموو تاوانیێن هاتینه ئهنجامدان ڤهكۆلینى بكهن نه بتنى تاوانیێن تیرۆرستێن داعش”.
تُتاح هذه الصورة أيضا في: کوردی