حاجی ئۆمهران.. ئیرانێ كارێن بازرگانی دگهل ههرێمێ راگرتن
WAAR-دهۆك:
كۆمارا ئیسلامییا ئیرانێ ئهڤرۆ كارێن بازرگانی ل دهروازهیا سنۆرییا حاجی ئۆمهران راگرت و ل گۆری زانیاریێن وار، ئهگهر ژبۆ ئالۆزیێن ناڤبهرا سوپایێ پاسداران و پێشمهرگهیێن حزبا دیمۆكرات ڤهدگهریت.
ئهندام جهبار پهیامنێرێ وار، راگههاند؛ ئهڤرۆ كۆمارا ئیسلامییا ئیرانێ كارێن بازرگانی ل دهروازهیا حاجی ئۆمهران دگهل ههرێما كوردستانێ راگرتن، ئهگهر ژی بۆ شهڕێ شڤێدی یێ ل ناڤبهرا سوپایێ پاسداران و پێشمهرگهی حزبا دیمۆكراتا كوردستانا ئیرانێ ڤهدگهرن كو ل ناڤچهیێن سنۆری رووداینه.
دیار ژی كر، راگرتنا كارێن بازرگانی ب ئاوایهكێ بهروهخته و هێشتا دیار نینه كانێ دێ ل چ دهمهكی دهست پێ كهتهڤه.
حكومهتا ههرێما كوردستانێ ل حهفتییا بۆری راگههاندبوو، ئهو رێ نادهن ئاخا ههرێما كوردستانێ ژبۆ ئالۆزكرنا رهوشا وهلاتێن جیران بهێت بكارئینان.
سهفین دزهیی پهیڤدارێ حكومهتێ ژی راگههاندبوو، ئیران ژبۆ ههرێما كوردستانێ گرنگییهكا مهزن ههیه و پهیوهندیێن ههولێر و تههرانێ دیرۆكی نه.
تُتاح هذه الصورة أيضا في: کوردی