چلێ هاڤینێ و چلەگر
مەهدی حەسەن موراد 
چلێ هاڤینێ ژ(11)ی خزیرانێ دەست پێ دكت و ل(20)ی تیرمەهێ ب هژمارا رۆژهەلاتی ب داوی تێت ئانكو (٢٤)ی خزیرانێ دەست پێ دكت وهەتا(2)ی تەباخێ ب هژمارا زاینی ،ئانكو چل رۆژن دبێژنێ چلێ هاڤینێ ئەڤ چلە ب دەمی ڤە گرێدایە دڤان رۆژێن گەرم و درێژ دا زەلامێن ئۆلی و هەر ئێزدیەكی بڤێت چل رۆژیان ژبۆ خودێ دگرت،د باوەریا مە ئێزدیان دا چلێ هاڤینێ و چلێ زڤستانێ گرنگیەكا مەزن هەیە هەر چەندە نەفەرزن بەلكو خێرن بەس خێرەكا مەزن دئێتە حسابێ بۆ هەر مرۆڤەكی ئێزدی ڤان رۆژیێن چلێ زڤستانێ وچلێ هاڤینێ بۆ دەمێ (٢٠) سالا ب رۆژی بت دبێژنێ (چلەگر) ئەو كەسێن چل رۆژیێن چلێ هاڤینێ و زڤستانێ ب رۆژی دبن و خۆ خەولە دكن ژبۆ پەروەرستەبوونێ و دوعاكرنێ ، ل هەر چل رۆژ و شەڤێن رۆژیا ، خۆ ژ خۆشی و لەفزەتێن دنێ دوور دكن،د باوەریا مە ئێزدیان دا هەر كەسێ ڤان رۆژیان ب دروستاهی بڤی رەنگی بگرت روحا وی دبتە بەهشتی ب بەهشتا بەرین دێ شادبت، رێورەسمێن دەسپێكرنا رۆژیا ئێكێ ل پەرستگەها لالش دئێنە كرن ل هێڤارا رۆژیێن چلێ هاڤینێ جڤاتا رۆحانی و هەر چلەگرەكی ل دەڤەرێ و نێزیكی پەرستگەها لالش ژ شكەستی و زانایێن ئێزدیان ل رێورەسمێن دەسپێكا گرتنا رۆژیێن چلێ هاڤینێ بەرهەڤ دبن دگەل بابا شێخ و وجۆقەتا وی پشتی هێڤاری و شیڤ خارنێ ل لالشا نوورانی ل چلەخانێ كۆم دبن و دوعایەكا پێكڤە دكن دناڤا چلەخانێ وهندەك ئاخێ ژ چلەخانێ دگەل خۆ هەلدگرن و بۆ وان هەڤال و شكەستی یێن بەرهەڤ نەبووین و دڤێن ب رۆژی بن دگەل خۆ دبەن ،رۆژا ئێكێ ل لالش دمینن و هێڤاری هەر كەسەكی بمینت دروستە و كەسێ بڤێت دێ ئێتە مال ژی فتاربت دێ چل رۆژیێن دیتر ل مال تەمام كت.،ل هێڤارا چل رۆژیان دێ هندەك رێورەسمێن دیتر ئێنە گێران و رۆژا چلەی دبتە جەژن ،هەر وەكی ڤان سەبەقا ژ ئەدەبێ دینێ ئێزدیان دبێژت:
مەلەك فەخرەدین دەنگ هلتینە
هنجیێ خاترا من تێ ببینە
دلێ چللەگرە نائیشینە
چللەگر ب رۆژینە
فەرزێن خۆ ب جی تینە
ئەون جندیێن سلتینە
بشەڤ رۆژ ب رۆژینە
ئەوان فتار نینە
ئەو جندیێن سلتان ئێزینە
ژێدەر:پەرتۆكێن پەروەردا ئێزدیاتیێ
مامۆستایێ ئایینی پیر خەلات ئلیاس
تُتاح هذه الصورة أيضا في: کوردی