ئاوارێن شنگالێ داخوازا باشكرنا كارەبا نشتیمانی ل كەمپان دكن
تۆرا لالش یا راگەهاندنێ
ئاوارێن شنگالێ یێن ل كەمپێن سنوورێ پارێزگەها دهۆكێ ئاكنجی ئاماژێ ب وێ چەندێ ددەن كو پشتی بلندبوونا پلێن گەرمێ رەوشا وان دكەمپان دا زۆر ب زەحمەت كەفتیە ب تایبەت دەمژمێرێن پێدانا كارەبا نشتیمانی كێم بووینە،داخوازێ دكەین كارەب باشتر ببت.
دڤی دەربارەی دا ئاوارەیێ شنگالێ(نەواف حەسەن)بۆ رۆژناما دهنگێ لالش دیاركر،پشتی بلندبوونا پلێن گەرمێ رەوشا مە دكەمپان دا زۆر ب زەحمەت كەفتیە ب تایبەت دەمژمێرێن پێدانا كارەبا نشتیمانی كێم بووینە و ڤێ چەندێ گەلەك كارتێكرن لسەر ژیانا مە كریە،پێتڤی بوو لسەر حكومەتا عیراقێ پتر هاریكاریا ئاوارەیان كربا ژبەركو ئەم ژی وەلاتیێن ڤی وەلاتی نە و قوربانی داینە و دەربەدەربووینە بەلێ وەك پێتڤی گرنگی ب مە نائێتە دان،دیسان ئەگەرێ نە زڤرینا مە بۆ دەڤەرێن خۆ ئەوە ئەم چ ژ پاشەرۆژا خۆ نزانین و هەتا كو چ جۆرە هێز نهۆ ل وێدەرێ هەنە و چ گرەنتی نینن ل وان دەڤەرا دپاراستی بن.
هەروەسا(حزنی خدر)ئاوارەیەكی دی یە)بۆ رۆژناما دهنگێ لالش ئانی زمان،دڤی وەرزێ هاڤینێ دا و لگەل بلندبوونا پلێن گەرمێ و كێمیا كارەبا نشتیمانی و نە گهۆرینان خیڤەتان ئاوارە ل كەمپان دا یێ رەوشەكا خراپ دەرباز دكن،دگەل هندێ ئەم ژلایێ حكومەتا عێراقێ ڤە هاتینە پشت گوه هاڤێتن و حكومەتا هەرێما كوردستانێ شیان نەماینە كو پتر هاریكاریا مە بكت،هەتا نهۆ چ بەرپرسێن بەغدا سەرەدانا مە نەكریە و دەردەسەریا مە نەدیتیە دخوازم ژ هەر بەرپرسەكی حكومەتا عێراقێ هەفتیەكا بتنێ بێت و ل خیڤەتەكێ دا بژیت و ژیانا ب زەحمەتا ناڤ كەمپان و ئازارێن رۆژانە ئاوارە دبینن ب چاڤێن خۆ ببینن.
تُتاح هذه الصورة أيضا في: کوردی