ب پشتەڤانیا به‌رێز”شێخ شامۆ”بنگه‌هێ لالش پێتڤیێن قوتابخانا(فێرکرنا قەوالا) ل بەحزانێ دابینکرن
تۆرا لالش يا راگه‌هاندنێ
زه‌لامێن ئايينى يێن قه‌وال ژ گرنگترين ته‌خێن ئايينى نه دناڤ جڤاكێ ئێزديان دا،ژبه‌ر رۆلێ مه‌زنێ دگێرن ل رێوره‌سم و نه‌ريتێن ئايينى و بزاڤێن جڤاكى دا،هه‌روه‌ك كه‌لتۆرێ ئايينى و فلكلۆرێ ئێزديا و به‌يت و قه‌سيدێن ئايينى پاراستينه.
ژبۆ مانا ڤێ ته‌خا گرنگ و پێشڤه‌برنا شيانێن يێن بڤێن بچنه قوتابخانێ،سه‌ماحه‌تا به‌رێز قوال “به‌هزاد سلێمان سفو” سه‌رۆكێ قه‌والان و ئه‌ندامێ جڤاتا بلندا رۆحانى يا ئێزديان رابوويه ب ڤه‌كرنا قوتابخانه‌كا تايبه‌ت بۆ كۆمه‌كا قوتابيان،مه‌ره‌م ژێ فێركرن و ده‌رچۆنا نفشه‌كێ نوو و تازه و فێركرن هه‌موو داب و نه‌ريت و رێوره‌سم و ژبه‌ركرنا قه‌ولا و ده‌ڤ و شه‌بابا بخۆڤه دگرت.
هه‌ر ل ده‌ستپێكا ڤه‌كرنا قوتابخانێ به‌رێز” شێخ شامۆ” سه‌رۆكێ ده‌سته‌يا بلندا بنگه‌هێ لالش ل دهۆكێ پشته‌ڤانيا ڤێ قوتابخانێ كريه و گۆت: ” ئه‌ركێ مه‌يه وه‌ك بنگه‌هێ لالش پێشكێشكرنا پشته‌ڤانيێ يه كو ئه‌و نفش دێ نووراتيا ئايينێ ئێزديان كن ل پاشه‌رۆژێ دا”.
ره‌عه‌د تارق،به‌رپرسێ بنگه‌هێ لالش تايێ به‌حزانێ بۆ تۆرا لالش يا راگه‌هاندنێ دياركر: “ژبال به‌رێز شێخ شامۆ هاتينه راسپاردن بۆ ئاماده‌كرنا ڤه‌ديتنه‌كێ بۆ هه‌موو پێتڤيێن وان ب هه‌ڤكارى دگه‌ل كارگێريا قوتابخانێ و هه‌ر ئێكسه‌ر شێخى رازه‌مه‌ندى لسه‌ر دابينكرنا هه‌موو پێتڤيان دا”.
تُتاح هذه الصورة أيضا في: کوردی