ل ئوسترالیا فلمەكا پێشمەرگەی دبیته باشترین فلمێ دیكۆمێنتارى
باسنيوز:
فلمێ مین ههلگر كو ژیانا پێشمهرگهیێ شههید كۆلۆنێل فاخر بهرچاڤكریه د فلمه فیستهڤالا سیدنى دا ل وهلاتێ ئۆسترالیا دبیته باشترین فلمێ دیكۆمێنتارى.
شینوار كهمال دهرهێنهرێ فلمێ مین ههلگر یێ گرێداى ژیانا شههید كۆلۆنێل فاخر، بۆ (باسنیوز) دیاركر، فلمێ مین ههلگر بهشدارى د فلمه فیستهڤالا سیدنى دا ل وهلاتێ ئوسترالیا كر.ئهڤرۆ رۆژا 9/7/2018 ئهو هاتینه ئاگههداركرن كو فلمێ وان شیایه ببیته باشترین فلمێ دیكۆمێنتارى دناڤبهرا شهش فلمان دا و هاتیه خهلاتكرن.
ئاشكرا ژى كر كو ئهڤه خەلاتا یا پێنچێ یه فلمێ شههید كۆلۆنێل فاخر ب دهست خوهڤه ئیناى، پشتى سێیهمین خهلاتێ جیهانى ل وهلاتێ چیك ل فلمه فیستهڤالا پراگ وهرگرتى و خهلاتێ چوارێ ژى ل وهلاتێ بهلجیكا وهرگرتى.
ئهڤ فلمه كو ب زمانێ ئینگلیزى دبێژنێ (The deminer) ژ دهرهێنانا دهرهێنهر هۆگر هرۆرى و شینوار كهماله و فلمهكێ دیكۆمێنتارى بوویه و ل سالا 2017 فلمی خهلاتێ تایبهت یێ ژووریا فلمێن درێژ یا فیستهڤالا ئهمستردام یا فلمێن دیكۆمێنتاری وهرگرت كو مهزنترین فیستهڤالا فلمێن دیكۆمێنتاری یه ل جیهانێ. ئهڤ فلمه ل دۆر قارهمانتیا كۆلونێلێ كورد فاخر بهرواری، ئهو زهلامێ ب پیهكی و كهتهرهكی ب هزاران مرۆڤ قورتال كرین. چونكو عهقیدێ پێشمهرگه (فاخر بهروارى) یێ كێم ئهندام بوو ب تنێ ب پییهكى بوو و ل سهر دهستێ رێكخراوا تیرۆرى یا داعش ل سالا 2016 هاتبوو شههیدكرن. ئهڤ فلمه بهحسێ قارهمانى و ئازایهتیا عهقید فاخرى دكهت، وهك پێشمهرگهیهك گیانێ خوه دئێخیته د مهترسیێ دا و مین و تهقهمهنیان ل بهراهیێن شهرى رادكهت، ب مهرهما هندێ ههڤالێن خوه ژ مرنێ رزگار بكهت و دیسا عهقید فاخر چهندین جاران ژ مرنێ رزگار دبیت و پێیهكێ خوه ژى ژ دهست ددهت.
تُتاح هذه الصورة أيضا في: کوردی