10 سالە كارێ چێكرنا تەمبوورا دكت
تۆرا لالش یا راگەهاندنێ
لێدەرێ تەمبوورێ(عەلی شێخ رومی) خەلكێ قەزا شنگالێ یە ل كەمپەكا سنوورێ پارێزگەها دهۆكێ ئاكنجی یە،ئەڤە ماوێ پتر ژ (10)سالانە دەست ب كارێ چێكرنا تەمبووران ژ دارێن گۆزا وتویان و مشمشان كریە.
ناڤهاتی بۆ رۆژناما دەنگێ لالش گۆت:بەری ئەڤ كۆمكوژیە بسەرێ ئێزدیان بێت لسەر دەستێ تیرۆرستێن داعشێ،بەریا(10)سالانە من كارێ چێكرن و لێدانا تەمبوورێ دكر و پشتی ئەم ئاوارەی هەرێما كوردستانێ بووین ژی هەر دەست ژێ بەرنەدا و بەردەوام بووم لسەر كارێ خۆ،ئەو ژۆرا تێدا كاردكەم نەخاسمە ئەو ژۆرە نە بتنێ یا كاریە بەلكو یا نڤستنێ و مێڤانایە ژی،هەروەسا ژ دارێن گۆزا وتویان و مشمشان تەمبووران چێدكەم.
عەلی ئەو چەندە ژی دیاركر، باب و كالێن من شارەزایەكا باش ل چێكرن و لێدانا تەمبوورێ دا هەبوو،من ژی ب فەر دیت دەست بڤی كاری بكەم.
تُتاح هذه الصورة أيضا في: کوردی