هێلینا هیڤیا توی
هاشم بۆزانی
هێلینا هیڤیا دێم شەمال و بەریا
ئەی نێرگزا ل سەر زنار و چیا
توی فەرهەنگ بۆ نڤیسینا داستانا
ئەڤینا مە یە راست و دروستە
هەستێن مە قەت نانڤن
ژبەر چیرۆكێن گەهشتنا مەبەستێ
وئەوان هیڤی و وان داخوازیا
وەكی زارۆكەكا ساڤا
لبەر سنگێ ئەڤینا مە
دێ ڤەهینم هەلبەستا
ژ وان چۆت كەزیا
توی هێلینا هیڤیا
بەس دەردێ دلێ من بزانە
كا من توو چەند دڤیا
من توو بخۆ هەلبژارتی
ژ ناڤ سوورگول و زەریا
ل دیدارا چاڤێن تەدا
و پەيڤێن زێرین
رۆناهیا هیڤیا لبەر
پێلێن دەریا چاڤێن تە دچن
سوور گول ژبەر بێهنا خالا گەردەنێ
ژ بێهن كەڤن و پەیڤاتە
ژ كانیا ئەڤینێ دزێتن
ژ خەیالا چۆمە دناڤ راستیێ دا
توی هیڤیا بلندیا زنارا
عەشقا تە د دلی من دا هشارە
وەرە دەرمان كە برینێن بریندارا
سەر خۆشێ مەیخانا دلێ تەمە
ئەڤینی خۆشترین بریارە
توی هێلینا هیڤیا
تُتاح هذه الصورة أيضا في: کوردی