كوردێن ئێزدى جهژنا چلێ هاڤینێ پیرۆز دكن
باسنيوز:
بهرپرسێ لێژنا رهوشهنبیرى ل دهستهیا بلندا بنگههێ لالش یێ رهوشهنبیرى و كۆمهلایهتى لدهۆكێ دیاركر:” ئهڤرۆ 2/8/2018 كوردێن ئێزدى ل پهرستگهها لالش دهست ب گێرانا رێ ورهسمێن جهژنا چلێ هاڤینێ كرن.
شهمۆ قاسم، بهرپرسێ لێژنا رهوشهنبیرى ل دهستهیا بلندا بنگههێ لالش یێ رهوشهنبیرى و كۆمهلایهتى لدهۆكێ بۆ(باسنیوز) دیاركر: “پشتى چل رۆژان دیندار وسهردهرێن خاس ومهزارگههێن ئێزدیان ب رۆژى دبن رۆژا دووڤدا جهژنێ دكهن ئهڤرۆ 2/8/2018 ل پهرستگهها لالش دهست ب گێرانا رێ ورهسمێن جهژنێ هاتیه كرن. ههتا ئێڤارى دێ بهردهوام بن، ئیڤارێ سهما دهێته كێشان وچرایێن ئاقد ونیشانگههێن خاسا دهێنه ههلگرن وكهسێن نهمۆركرى ژى ب ئاڤا كانیا سپێ دهێنه مۆركرن وبهیت وقهسیده یێن ئۆلى دهێنه گۆتن وههر كهسهكێ بڤێت بۆ رێ ورهسمێن جهژنا چلێ هاڤینێ قهستا پهرستگهها لالش دكهت. ل نیشانگههێن خاس و مهزارگههێن ئاینى زیارهتى ببیت وجهژنا ل ئێكدو پیرۆزدكهن”.
خویا ژى كر: “سهردهرى و دیندارێن ئاینی ب گێرانا رێ ورهسمان رادبن. ههر ئێزدى قهستا پهرستگهها لالش دكهن دسهر پرا سهلاتێرا دهرباز دبن دچنه سهر حهودا كانیا سپى ودهست وچاڤێن خوه پێ پاك دكهن”.
تُتاح هذه الصورة أيضا في: کوردی