هەسەدێ تەڤاهییا سنۆرێ سووریێ ل گەل ئیراقێ کۆنترۆل کر
WAAR-دهۆك:
هێزێن سووریایا دیمۆکرات پشتی رزگارکرنا بیابانا دێرەزۆرێ کۆنترۆلکرنا تەڤاهییا هێلا سنۆری یا سووریێ ل گەل ئیراقێ راگەهاند.
ل گۆرەی پەیامنێرێ وار ل رۆژئاڤایێ کوردستانێ، هێزێن سووریایا دیمۆکرات، هەسەدێ د ئۆپەراسیۆنەکا بەرفرەهـ دا ژ سێ میحوەران تەڤاهییا بیابانا گوندەوارێ دێرەزۆرێ ژ دەستێن تیرۆرستێن داعشێ رزگار کر و نها هەموو هێلا سنۆری یا د ناڤبەرا سووریێ و ئێراقێ د دەستێ هەسەدێ دا یە.
دا زانین ژی: هەڤدەم دۆرپێچا هەسەدێ ل سەر باژارۆکێ هەجین، کو داوی بارەگاهێ داعشێ یێ پارێزگەها دێرەزۆرێ لێ یە، بەردەوامە و ب هەماهەنگییا فرۆکەیێن هەڤپەیمانیا نێڤدەولەتی بزاڤێن کۆنترۆلکرنا وی باژارۆکی ژی دهێتە کرن.
تُتاح هذه الصورة أيضا في: کوردی