زانكۆیا ئەمریكی ل دهۆكێ دێ كارەبێ بۆ كەمپا شاریا دابین كت
باسنيوز:
جون م.منزیس سەرۆكێ زانكۆیا ئەمریكی ل دهۆكێ دگەل شاندەكی زانكۆیا ناڤبری سەرەدانا كەمپا شاریا یا ئاواران كر و د سەردانێ دا سەرۆكێ زانكۆیا ئەمریكی ئاماژە دا كو ئەو دێ هەول دەن پێخەمەت گەهاندنا هندەك پرۆژان بۆ كەمپا ناڤبری.
سالم سەعید، بەرپرسێ راگەهاندن و پەیوەندیان ل بۆردێ كارۆبارێن مرۆڤایەتی ل پارێزگەها دهۆكێ، بۆ (باسنیوز) راگەهاند، زانكۆیا ئەمریكی دێ هەولا جێبەجێكرنا دابینكرنا كەهرەبێ بۆ كەمپێ كەن ب رێ یا پرۆژێ (پانكێن بایی)، د هەمان دەم دا هاریكارێ پارێزگارێ دهۆكێ (ئیسماعیل محەمەد) ئاماژە دا رەوشا ئاواران و پەنابەران ل سنورێ پارێزگەها دهۆكێ و كێماسیێن وان، ب تایبەت دبوارێ كەهرەبێ دا و باس ل سەركەفتنا پرۆژێ ووزێ رۆژێ كر ئەوێ ل كەمپا مام رەشان هاتی جێبەجێكرن، داخواز كر پتر پرۆژە د ڤان بواران دا بهێنە جێ بەجێ كرن.
زێدەتر دبێژیت: شاندێ زانكۆیا ئەمریكی سەرەدانا خێزانێن كەمپێ و سەنتەرێ باخچێن زارۆیان كر ب ئارمانجا ژ نێزیك هایداری بوونا رەوشا ئاواران ببەن و هاریكاریان بگەهینن وان و زانكۆیا ئەمریكا پلانا خوە دانایە بۆ گەهاندنا هندەك پرۆژەیێن گرنگ بۆ ئاوارەیێن كەمپا شاریا.
تُتاح هذه الصورة أيضا في: کوردی