پارتی، ئێکەتی و بەرەیێ نشتیمانی راگەھاندنەکا ھەڤپشک بەلاڤ کر

پارتی، ئێکەتی و بەرەیێ نشتیمانی راگەھاندنەکا ھەڤپشک بەلاڤ کر
WAAR-دهۆك:

پارتی و ئێکەتی ل ھەولێرێ، ل گەل شاندەکا بلند یا ھەڤپەیمانییا بەرەیێ نشتیمانی کۆم بوون و د راگەھاندنەکا ھەڤپشک دا خوەیا کر: پێدڤی یە حکومەتا بھێت یا ئیراقێ ل گۆرەی رێککەفتنەکا سیاسی بھێت پێکئینان.
ل گۆرەی راگەھاندنەکا ھەڤپشک، پارتییا دیموکرات یا کوردستانێ و ئێکەتییا نشتیمانی ل ھەولێرێ، ل گەل شاندەکا بلند یا ھەڤپەیمانییا بەرەیێ نشتیمانی یێ ئیراقێ کۆم بوون، تێدا باس ل پێکئینانا کوتلەیا مەزن بۆ پێکئینانا حکومەتا بھێت یا ئیراقێ و پرۆگرامێ سیاسی و یاسایی یێ قۆناغا بھێت کر.
ل گۆرەی وێ راگەھاندنێ ئالیێن پشکدار یێن کۆمبوونێ دوپاتی ل ھەڤکاری و ڤەکرنا دەریێ دانوستاندنان لگەل ئالیێن دی یێن سیاسی کر و گۆت: پێدڤی یە حکومەتا بھێت یا ئیراقێ ل گۆرەیی رێککەفتنێن سیاسی بھێت پێکئینان و پێگیریێ ب رێککەفتن و پەیمانناما بکەت و بنپێکاریێن دەستووری نەھێن دوبارەکرن.
پارتی و ئێکەتیێ و بەرەیا نشتیمانی هەروەسا به‌حسێ ئەگەرێن نەرێنی یێن نەبوونا هەڤپشکییا راستەقینە د ناڤبەرا پێکھاتەیێن ئیراقی دا کر و گۆت: پێدڤی یە ئەو قۆناغ بھێت دەربازکرن و دەستوورێ ئیراقێ رێنیشاندەر و لێڤەگەرێ چارەکرنا قەیرانان بیت.

تُتاح هذه الصورة أيضا في: کوردی